استفسآرآتكم و تعليقآتكم على ( أسآتذة ) قسم المحآسبه فقط ... [الأرشيف]

تجآريه

09-09-2009, 05:26 PM

أي أحد عنده فكره عن مدرس محآسبه معين ..
أو دآرس عنده ...
يآليت يكتب لنآ عنه ^_^
وتبقى الأرآء هي مجرد أرآء شخصيه للطلبه على اختلآف مستوآيتهم ....

.

وليد المنيع ..

كـ شرح وتوصيل المعلومه .... ممتآز جدا ً ...
يفهم المعلومه عدل .... ويعطي وآجبآت باستمرآر ...
ويسمع الأشيآء اللي يطلب انهآ حفظ ...

لكن كـ أسلوب وتعآمل ...
عصبي ..
يصرخ .. مخيييييف http://www.kuwait25.net/vb/images/smilies/a238.gif

لكن للأمآنه ... يعطي بونص ...
ويسآعد اللي تستآهل المسآعده ...

مره بدعنآ بامتحآن الشهر الأول ..
قآل اللي تجيب الشهر الثآني درجه كآمله الفآينل بعطيهآ 50 من 50 ..
فرصه كآنت ذهبيه ..

لكن العتب ع الكسآلى :$

طبعا ً العين مآتلف يمين يسآر نهآئيا ً ..

بالإمتحآنآت اللي ترفع عينهآ آوت ..
اللي تكلم أوت ..
اللي تلفونهآ ع الطآوله أوت ..
اللي تدش بعده آوت ..
اللي تغفي آوت .. < كآنت معآنآ غمضت عينهآ شوي .. آوت ..
اللي يسألهآ سؤآل كآن قآل حفظ ومآعرفته .. آوت

الطرد عنده ابيزه http://www.w6w.net/album/30/w6w_w6w_200505012219311651ac584322.gif

معدل غيآبآته طبيعي ...
مآيوزع امتحآنآته اللي امتحنآهآ ..

الطآلب اللي يجي قبل الأستآذ وسآكت ومجتهد ... أنصحه يآخذ عنده ..
لكن الطآلب اللي تأخير وفيه سوآلف ومآيحل أو شي ... لآ يآخذ ...

سعد البلوشي ..

كآن رئيس القسم السآبق ...

كـ شرح ممتآز ويوصل المعلومه بطريقه حلوه ..
عيبه انه صوته شوي وآطي .. وبآرد بالشرح ...

لكن طيب .. وحقآني .. وغشمرجي ^_^
له قفشآت حلوه بالمحآضره تنشطنآ شوي
مو كله محآسبه محآسبه محآسبه ...

وآجبآته قليله جدا ً جداً ....
لين بالتعآمل مو شديد ...

معدل غيآبآته طبيعي ...

كل الطلبه بيمشون عنده ... لكن مو كلهم بيفهمون وينجحون ...
اللي يركز ويتآبع معآه ..بيآخذ حقه وزيآده ...

يوزع امتحآنآته اللي امتحنآهآ ...

يستعمل الأسلوب الصدآمي على قولته < من بآب الغشمره ..
اللي تتأخر ... اعدآم ..
اللي تغيب .. اعدآم ..
اللي مآتحل الوآجب ... اعدآم ..
اللي مريضه .. اعدآم ..

كل شي اعدآم لوول

أستآذ ممتآز وأحمد الله إني درست عنده وأدعيله بالخير ...

محاماة

09-09-2009, 07:30 PM

أنور المزيدي
أروع إستاذ شفتة فحياتي يساعد البنات بشكل موطبيعي وشرحة ممتاز وبنص المحاضرة إذا شاف البنات خلاص قفلو يقط نكتة أو يعطيهم ألغاز والله ماشفت مثلة
محمد الشهابي
إنسان أخلاق وذووووق ولا يظلم ويساعد لأقصى درجة وإسلوبة نكتة ومرن مع البنات لأقصى درجة

أحلى البنات

09-09-2009, 09:26 PM

انا تعجبني هنادي البدر:
اخذت عندها محاسبه101
وتعاملها راقي مع الشاطرات حتى لو
ما تشاركين و هاديه بس اذا عصبت وخروا عنها
يعني نظام مثل ما اعطيج تعطيني

محاماة

09-10-2009, 04:45 AM

والأروع بلا منازع شبيب عبدالله الشمري ولد الجهراء يابعد حيي
بكمل بعديييين ماشاء الله الأساتذة واجد

روح غاليها

09-10-2009, 08:41 AM

السلام وعليكم
موضوع رائع عشان نستفيد من بعض:chirolp_natu:

وليد لمنيع>>مع كلام اختي تجاريه كسلانه
تعامله مع الطلبه اي شي بعرف بس ليش يعصب :cwm24:
انا صارلي موقف معاه مارضى يعيد لي امتحان الشهر مع اني جبت له عذر >>كنت توني طالعه من لمستشفى:mecry:
ورد علي باسلوبه لحلو اللي لكل يعرفه>>قط لورقه وعصب كاني ذابحته:cwm24:
>>نصيحه لحد ياخذ عنده:boxing:

فيصل لحمد>>استاذ اكثر من رائع
تعامله من الطلبه راقي طبعا محد يدخل بعده ولا كلمه بلقاعه لما يشرح يعطي واجبات ولازم كل وحده توريه الواجب
درجات يعطي كل وحده حقها
شرحه قمه في الروعه يفهم وحظوره يعني لان كلا مشغول بلمؤتمرات>>ماخذه الصبح عنده الساعه 8عشان جذيه لواحد ماله خلق الصبح يحظر:mecry:

محاماة

09-11-2009, 06:39 AM

عاااااااادي ليش مستغربة هذا موغريب علية أصلاً إذا إبتسم نستغرب منة خخخخخخخخ

Anime Holic

09-14-2009, 10:47 PM

انا اوافقج الراي على استاذ وليد المنيع .. @__@ صج صج صج حسيت بقيمته لما خذيت محاسبه 2
يعني صج فرررقت علي الدرجات ....
و للأسف محاسبه2 خذيت عن هت هت .. و توهقت ..<_<" الاستاذه الي حاشتني كانت موشي بالشرح

يعني الي تاخذ/ياخذ عند هيئه تدريسيه .. خل يسحب لا تنجل مثل تنجيلتي .. خخخخ
و بس ما اعرف غيرهم الصراحه ..
يعطيج العافيه على هالموضوع ^^" نستفيد من بعض

.!. البحراني .!.

09-25-2009, 12:56 PM

يعطيج العافيه ع الموضوع الحلو

بس بغيت اسأل في دكتور محاسبه اسمه وليد هاشم الرفاعي لأن جني سمعت انه دكتور بالمحاسبه

فبغيت اعرف شلون شرحه وشلون نظام الغياب ويساعد ولا لا

ويعطيكم العافيه

LelOucH

09-26-2009, 05:38 PM

انزين الي خذه عند الدكتور خالد العنزي ابي رايكم فيه

لاني لقيت عند الدكتور احمد الشمري وناس واجد قالت لي انه يمشي الي من قبيلته وانا شمري

بس اول شي بسئل عن خالد العنزي الي خذه عنده ياليت تعطوني رايكم فيه (محاسبه2)

تجآريه

09-27-2009, 05:00 PM

البحرآني يقولون في دكتور اسم هآشم الرفآعي ...
يدرس ادآرة مكآتب ويمدحونه حيييييل
إنه يطوف شغلات ويسمع من الطلبه وحبوب ...

أمآ الدكتور أحمد مآعندي خبر ... اخذ عنه مدآمكم كلكم شمر أحسنلك ..

تجآريه

09-27-2009, 06:17 PM

دل هذا رد الأخت فآتن ....
من موضوع اهني بالمنتدى عن الدكتور ...

وخالد العنزي محاسبه ممتاز شرحه حلو وحبوب ...

هذا رآبط الموضوع ..

http://www.altjary.com/vb/showthread.php?t=631 (http://www.altjary.com/vb/showthread.php?t=631)

محاماة

09-27-2009, 10:37 PM

خالد العنزي وخر عنــــــــــــــــــــــــــــــــــــــــــــــــ ـــــــــــــــة
إنسان عندة الf فبيزة يعني تحلم بالنجاح
إهو يعطي تكاليف
يمة حدة مو شي

LelOucH

09-28-2009, 08:18 PM

خالد العنزي وخر عنــــــــــــــــــــــــــــــــــــــــــــــــ ـــــــــــــــة
إنسان عندة الf فبيزة يعني تحلم بالنجاح
إهو يعطي تكاليف
يمة حدة مو شي

اللهم يكافي

عجل بسحبها

مع انه مادحينه انتو

مشكوووور اخوي

قــيثــاره

09-28-2009, 08:32 PM

انا كنت ماذتها عند ., وليد المنيع
وتحسفت قد شعر راسي لان الاسلوب ماشالله ماكو علي ., كلش ولا التفلسف ., وصراحه ماتحملت وسحبت الماده وخذيتها عند سعد الشمري زوين بس الهوم ورك وايد

رماد الشوق

10-05-2009, 11:14 PM

السلام عليكم
كيفكم بنوتات وشباب

انا حبيت اقولكم احسن دكاتره مرو على بالمحاسبه

د.نادر الجيران .. محاسبة حكوميه واااااااااااااااااااايد حبوب واااايد يساعد وامتحان التيرم الاول والثاني من التقويم وهم الفاينل عباره عن دمج التيرم الاول والثاني ومدبسهم لكم لوووووووووول حده مسهل الاموور انا خذيت عنده b+ طبعا انا المفروض a بس من رفالتي ما كنت عارفه شي بالبدايه يعني بدعت بالتيرم الاول << خلصت لوول

المهم د.فيصل السلامين اهو هت هت بصراحه وايد حبوب وده يوصل المعلومه بس مو عارف شلون لوول وبيني وبينكم بياع كلام وايد يقول بيساعد بس ما شفنا شي يعني اهو شديد بالغياب والواجبات كانت وايد بس نفسيته حلوه مع الطالبات ( محاسبه 2 )

أ.فوزيه العثمان اعي هت هت وتعطي تكاليف ومحاسبه 1 او 2 طبعا هذي تهبل تهبل تهبل انصح البنات ياخذون عندها تعطي بونس 10 درجات وتعطيكم زياده 5 لوووووول شحلااااااااااااااااااتها بس الشرح للامانه لج عليه يعني مو ذااااااااااااااك الزود نفسيتها بس نفسيتها حلوه وتراعي الظروف وتحب تخدم وتحاول تساعد

أ ستاذ محمد المري وهذا شقول شخلي عنه بصراحه اانا وحده شاطره علشان اللى بيعقب على كلامي وبيقول يمكن كسلانه فا بتذم الاستاذ المهم بصرااااااااااحه هالاستاذ واااااااااااااااايد مليق بشكل مو طبيعي اول عيوبه صوته واااااااااااااطي حيل حيل ومره قالنا له عل صوتك جان يقول يعني تبوني اصرخ ويصير شي بحنجرتي !!!! .. المهم ثاني شي ما يعطي ويه للكل يعني ثقيل طينه .. ثالث شي واااااااااااااااايد يخربط بالدرجات يعني بالقريدات انا وحده انظلمت منه راحت علي 20 درجه وغير البنات اللى راحت عليهم a ما علينا انا شخصينه ما انصح احد فيه..

د. سعد الشمري .. انا شخصيه ما خذيت عنده يعني كنت ماخذه وسحبت لانه الوقت ما ضبط معاي بالجدول وتحسفت واااااااايد على هالاستاذ لانه بصراحه عليه تأسيس حلو لتخصص ويفهم واايد زين بس امتحاناته صعبه صعبه يعني قصص اختباراته بس اللى ينتبه معاه رووووووووووووعه بصراحه شرحه.

استاذ وليد المنيع << يووووووووووووووووووووووومه من قلب هالريال مخوف نص الكليه يعني كل بنات المحاسبه لوووووول جد كل شي عنده بره بره بره بره بره يعني اذا لفيت يمين برا اذا رن التليفون براااااااااااا اذا بالغلط عطستي لوووول براا << اضحك قصدي قلت حرف على طول برا
بس للاماااااااااااااااااااااااااانه شرحه رووووووووووووووووعه ويدخل المعلومه غصب بس محاضرته طويله والكل يكون قاعد على اعصابه جد عوار قلب لوول انا هالشخص ما احب اشوفه لانه صار معاي تج فا اكره .

امممممممممممممممممممم

هذيلا اللى مريت عليكم واذا ذكرت بعد برد اقولكم

تحياتي
جوجو

رماد الشوق

10-05-2009, 11:20 PM

اي عفيه بنات بغيت رايكم بـ أ. احمد السمحان ؟؟
ممكن تقولولي رايكم فيه ؟

تجآريه

10-05-2009, 11:30 PM

أحمد السمحآن يقولون شرحه مو ذآك الزود .. بس إنه متفهم ويسآعد ويسآمح حيل ...

تجآريه

10-06-2009, 01:03 PM

اقتبآس للعضوه KiTKaTcheya (http://www.altjary.com/vb/member.php?u=12) :

وحبيت اقول عن دكتور سعد الشمري حق التاسيس اوكي زين
اخذو عنده محاسبه واحد عشانياسسكم عدل

اقتبآس للعضو del piero (http://www.altjary.com/vb/member.php?u=58) :

2-على العوضي (مبادئ محاسبه1)

للأمانهماشاء الله عليه يفهم وشرحه اوك بس انا عن نفسي ماحبيت اسلوبه بالتعامل معالطلبه

نفسيه شوي وامتحانااته صعبه بعكس الفاينل جا سهل وفي شي بعد لاحضتهعليه امممم يمكن هياطه

الزايد يعني يسولف عن نفسه واجد بالمحاضره فأنصح اليبلتزمون ويركزون بالمحاضره

ياخذون عنده لأنه ماشاء الله عليه شرحه اوك

رماد الشوق

10-07-2009, 07:45 PM

هلو حبايبي
رديت لكم بذكر جم استاذ تذكرتهم

استاذ مبارك الخضير ( محاسبة شركات) < بصراحه هالاستاذ ما ادري اقول زين ولا اقول مو زين << ما دري شلون صاير مره تشوفونه حليوه بس كله يكتب يكتب يكتب شكله بس بي يوظفنا كتبه لووووووووول
امتحاناته حلوه مو صعبه يعني كل اللى يكتبكم ياه يب منه بالامتحان الكتاب مو لازم بس يعني بيسوي روحه فاهم فايقول لكم يبو الكتاب بس انا اقولكم بلاش مخاسير لوووووووول لا تيبونه .< بكيفي لوول
نسيت شغله ترا اهو عادي ما يهتم اذا السكشن كله رسوووووووووووووب عادي عادي وجنه جو باريس لووول يعني ما يهتم واصلا اهو يقول مو لازم كل الطلبه يطلعون ناجحين << انا خذيت عنده وطلعت c+ < معني شاااااااااااااطره حيل وكنت شاده حيلي بعد بس اهو هيك ما يعطي A , B بسهوله على قولته ..

د. محمد الحراس (هت هت محاسبه 2 واصول مراجعه) < دكتور رووعه وايد متفاهم ومتواضع ويشرح بضمير يحب يوصل المعلومه يعيد مره ومرتين وثلاث وامتحاناته من الشرح وما يصعب الامور بالعكس واحلى شي فيه انه يطمن الطالبات انهم راح ينجحون عنده .. يعطي واجبات ويحب الالتزام .

واذا تذكرت برد اقولكم
تحياتي للكل
جو جو

badoosha_90

10-07-2009, 09:44 PM

هاي بنات شلونكم شخباركم انا توني مشتركه بالمنتدى او ما اعرف شي بس حدي متوهقه اليوم كان موعد تسجيلي وكله مسكر وخذيت محاسبه 2 ومخازن بس كله هت هت فا ما ادري محد نصحني اني آخذ عند هت هت بس شسوي ما في

تجآريه

10-08-2009, 11:39 AM

badoosha_90 (http://www.altjary.com/vb/member.php?u=323)

مآعليج لآتحآتين أغلب الـ هت هت يكونون زينين إن شآء الله ...
وحتى محآسبه 2 ومخآزن مو ذيك الصعوووبه سهلآت إن شآء الله ..

بالتوفيق ^_^

7anoush

10-08-2009, 11:59 PM

بنات شلونكم
حبيباتى انا مستجدة
وجدولى حق هالكورس ثابت مثل ماتدرون
المحاسبة عند د نورا عبد الله
شرايكم فيها؟
حبيباتى موفقين:m50:

KiTKaTcheya

10-09-2009, 06:51 AM

والله مادري بس رفيجتي امدحتها لي
ان شاء الله زينه
وبالتوفيق ياارب

KiTKaTcheya

10-09-2009, 06:54 AM

حبيت اسألكم عن محاسبه 2 عند عبدالعزيز العصيمي زين والا لا؟؟

تجآريه

10-10-2009, 05:53 AM

عبدالعزيز العصيمي مآيمدحون شرحه ... مو نفس مستوى شرح المنيع وسعد الشمري ...
نظآمه حلو وامتحآنآته سهله بس الشرح نص ونص ...

KiTKaTcheya

10-10-2009, 01:05 PM

مشكوره ماقصرتي
انا الحين محاسبه واحد ما تاسست عدل
ومحاسبه 2 بعد :(
الله يستر ان شاء الله

KiTKaTcheya

10-12-2009, 08:09 PM

تجاريه لايكون عن هنادي البدر؟؟
كنت ماخذه عندها وغيرت لانه رفيجتي
تقولي الماده سهله بس الاستاذه شوي مو زينه
يعني حرام اتضيعين درجاتج بسبة الاستاذه
جان اخذ عند هت هت بس للحين ماداوم يقولون استاذ

LelOucH

10-12-2009, 08:19 PM

السلام عليكم

ابي اسئلكم عن دكتور مبادئ الاحصاء اسمه محمد القطان حسب كلامه

اهو اول مره يدرس شباب فاتوقع عندكم فكره عنه اليوم او محاضره عنده مبين عليه شبابي يعني

يضحك ويتغشمر يعني فله هل دكتور حبيته

بس اهم شي اهو شلون نظام امتحاناته صعبه ولا سهله ؟؟؟

تجآريه

10-14-2009, 06:58 PM

كتكآته إي : (

شكلهآ وكلآمهآ عآدي يعني مآطلبت المستحيل ...
رسميه شوي مو على جو البنآت ... بس مبدئياً زوينه مآحضرت عندهآ إلآ مره ,,

دل مآعندي فكره والله ,,

KiTKaTcheya

10-16-2009, 08:50 AM

تجااااريه الله يعينج لووول
يقولون تعصب ونفسيه ماادري؟
بس حلو الاستاذ انه يضحك مع الطلبه
عشان يحببهم بالماده والمحاضره

تجآريه

10-18-2009, 07:59 PM

واللهي مآ أدري ,,
للحين مآ حضرت عندهآ .. سآحبه ع العآلم لوول

إنتي شلون الهت هت منو طلع ؟؟

KiTKaTcheya

10-19-2009, 08:53 PM

محاسب

10-20-2009, 05:16 PM

السلام عليكم..

بغيت اسأل عن استاذ اسمه شرف العجمي ..

شلونه؟

تجآريه

10-21-2009, 04:50 AM

وعليكم السلآم محآسب ..

مآعندي فكره عن هالأستآذ أول مره أسمع عنه ,,
شكله بس يدرس عندكم ..

تجآريه

10-21-2009, 04:53 AM

انور المزيني وااااااي
اينن يضحك ويتغشمر حبوب صج
واليوم قال انا اسوي لكم الجداول بالامتحان
انتوا بس عليكم الحل واذا تبوني اعطيكم الامتحان محلول ماعندي مانع بس ب10 دنانير يتغشمر
لووووووووول

لووول يحليله والله ,,
متى محآضرتج أي سآعه ؟؟

أنا بنص محآضرة هنآدي حطيت رآسي ع الطآوله ونمت لوول
دوختني شرحهآ مآعجبني ...

جراح

10-26-2009, 07:57 PM

السلام عليكم

مشاء الله عليكم أغلبكم يمدح بالدكاتره ونفسياتهم وتعاونهم معاكم يالبناااااااات

وحنا ما نشوف الا مكشرين وما يتحاآآآآجووون ؟

حتى بالدراسه مسوين تفرقه بينا

شذنبنا ؟

بغيت أسأل عن الدكتور : يوسف أشكناني شــلــوونه ؟

: )

تجآريه

10-26-2009, 08:00 PM

لووول ..

( هَلْ يَسْتَوِي الَّذِينَ يَعْلَمُونَ وَالَّذِينَ لا يَعْلَمُونَ )

واللهي شخصيا ً مآعندي فكره عنه ,,
يمكن بس يدرس عندكم ,,

accounting student

10-27-2009, 10:58 PM

هاااااااااااااي شلونكم
انا بقولكم عن اساتذتي من دشيت الكلية لي الحين :)
اول شي محاسبة 1 عند فوزية العثمان : اهيا زينة بس لما تعصب تطلع حررتها باللي جدامها عااادي عندها وشرحها لاباس فيه

محاسبة 2 : سعد الشمري >>> طبعا استاذ غني عن التعريف ماشالله عليه قمه في الادب والاخلاق واي شي تبينه روحي ساليه ولا تترددين لان ماراح يقصرر معاج بولا شي

مخازن : عند وفاء الغانم : ياااربي هالاستاذه مادري شلون صايرة تنرفوني ماحبها خير شر :@ شرحها مو مفهموم يعني تقولج انا اشرح نص والنص الثاني انتي ردي البيت درسي >>> خبلة الحمدلله والشكر
بس اخر شي خذيت b >> شطارة !!!

وبس لما اتذكر الباجي انشالله ماراح ابخل عليكم :)

LelOucH

10-28-2009, 06:42 PM

دكتور خـالـد العــنزي يعطي محاسبه 2

خوووووش دكتوووووووور

ماشاء الله عليه شرحه اوك ومتفاااهم

انصح الشباب ياخذون عنده

خوووخه

10-30-2009, 04:53 AM

السلاااااااااااااااااااااااااااااااااااااااااااااا اااااااام عليكم
أبدأ بسعد الشمري خوش استاذ ممتاز بس لازم تحضرين محاضراته كلهم عشان تفهمين والله أنا اخذت عنده محاسبة 1 و2 وجبت a وأي كلمة يقولها او يشرحها اكتبيها عشان ماتنسين وتجي طبعا بالامتحان
ولييييييد المنيع طبعا الكل ماقصر ذمه بس العكس العكس العكس أنا اشوف إنه ذكي وايد ونفس الشي لاتغيبين عشان تفهمين طبعا اذا كنتي تبين الامتياز
وامتحانه وايد سهل نفس اللي يشرحه بلمحاضره سهل بس لازم تحلين الواجبات عشان ايدج تكون سريعه وبالامتحان بسرعه تخلصين لان امتحاناته 40دقيقه)وطبعا اخذت عنده aبس لازم ماتاخذين كل المحاسبات بكورس واحد
كل كورس محاسبتين عشان تركزين
نادر الجيران وايد حلو مع غمازاته وأي شي يقوله بلمحاضره مهم يجي بالامتحان والله والله والله ان امتحاناته من التقويم وسهل سهل سهل وبعد جبت عنده a
اما وفاء الغانم زينه بس لازم تحضرين من اول محاضره عشان تفهمين لانها ماتعيد الشرح وسخيفه محاسبة مخازن وبعد اخذa
أما الباقي للحين اوكي أحمد السمحان زين قاعده افهم عليه
اما هاني الفيلي الظاهر ماراح افهمه كلش لان شوي يبيله تركيز محاسبة بنوك

وأي أحد تبونه كتبولي اسمه واشرحه لكم واللي يبي شرح مفصل عن كل استاذ ماعندي مانع
مع تحياتي خووووووووووووووووووووووووووخه:m41:

رماد الشوق

10-30-2009, 03:30 PM

ابي استاذ درويش قاسم محاسبه انجليزي << احس نفسي ضاااااااااااااااااايعه ومو فاهمه شي
شلونه من ريال لوووووووووووووول وشلون شرحه وشلون طريقته بالدرجات بليييييييييييز ردو على

تجآريه

11-02-2009, 02:17 AM

سألتلج عنه ...

يمدحونه حيل إنه يغشش ويسآعد وجذي ..
بس بالضبط مآدري ~

رماد الشوق

11-05-2009, 08:13 PM

تسلمين حبيبتي ما قصرتي

LelOucH

11-09-2009, 06:47 PM

اليوم امتحنت اول امتحان عند القطان يعطي احصااء

امتحاانه سهل ومتساااااااهل حيييل يشوفك تغش يقعد يطالعك بو 10 ثواني وبعدين خلاص

غشيت مسئلتين بدوووون تعب سهاالات

نصيحه الكورس الجاي اخذو عنده شباب

لولو

11-18-2009, 02:25 PM

مرحبا للجميع بغيت اسال عن الاستاذ عبد العزيز العصيمي اشلون امتحاناته
والدرجات

هدى

11-18-2009, 02:38 PM

هلا لولوه بصراحة خوش استاذ يعطي درجات مايقصر

لولو

11-18-2009, 02:50 PM

شكرا هدى هو مشالله عليه
يوصل المعلومه بس ما أدري عن امتحاناته
لان امتحاني يوم الاثنين الله يستر

KiTKaTcheya

11-18-2009, 04:07 PM

لولوه انتي معاي ؟؟
انا عند عبدالعزيز امتحاني يوم الاثنين
محاضرتي من 9 لي 10 او من 9ونص لي 11 :)

رماد الشوق

11-18-2009, 05:10 PM

الله يوفقكم حبيباتي

اللهم وفق طالبات وطلاب العلم ورزقهم بما يحبون .. اللهم امين

لولو

11-19-2009, 03:23 PM

هلا كتكات اي
انا معاج:m102:
انتي منو وين تقعدين

KiTKaTcheya

11-21-2009, 02:48 PM

رموده امييييييييييييييييييين ياارب

لولوه انا كله اقعد جدام وانتي؟ :p

عالم الحرمان

12-01-2009, 07:53 PM

بغيت اسال عن استاذه نورا العبدالله الطاهر محاسبه 1 بصراحه خايفه مع العلم اني عايد المقرر وابي تساعدني بس شلون وانا شوي ما بطيئت استيعاب للرياضيات لاني كنت ادبي واخاف من شي اسمه رياضيات وحسابات

تجآريه

12-02-2009, 04:39 AM

بالصفحه الرآبعه لنفس الموضوع في وحده سآئله عنهآ ...
رفيجة كتكآته مآدحتهآ تقول إنهآ زينه ...

الفائزه

12-02-2009, 07:58 PM

آنا اخذت عند خالد العنزي محاسبه 2 بصراحه شرحه حلو ويفهم عدل ماشاءالله عليه... ويعطيج حقج بس..

رماد الشوق

12-02-2009, 08:02 PM

خالد العنزي وااااااااايد زين حتى بالدرجات مو بس بالشرح ..

KiTKaTcheya

12-09-2009, 02:50 AM

خالد العنزي بس يدرس مقرر محاسبه 2؟؟

بنات التسجيل اسبوع الياي بليييز ساعدوني بالدكاتره الزينيين من ناحية الدرجات اهم شي :(
لان عندي انذار معدل تخصصي لازم ارفع المعدل ابي دكاتره حق تكاليف و شركات و حكوميه واصول مراجعه << مو متأكده من اسم المقرر و رياضه ماليه عشان اختار الدكاتره زينيين بلييييز

ومعالجة نصوص انجليزي منو دكتور زين و عمل مكتبي بعد
سوووري ادري ازعجتكم :(

تجآريه

12-09-2009, 05:40 AM

مو شرط بس محآسبه 2 ....
يمكن ع الكورس الجآي يآخذ مآده ثآنيه ...

جدولج نفس جدولي بالضبط اللهم الريآضه مآخذتهآ هالكورس ^_^

ريآضه مآليه إخذيهآ عند حسين المريخي .. يجنن مآشآء الله تبآرك الرحمن عليه ..
بآقي الموآد مآدري منو يدرسهم بس بذكرلج أسآمي جم استآذ ...

من ضمن اللي يمدحونهم :

نآدر الجيرآن / أحمد السمحآن /مجبل السعيدي
محمد شهآبي / وفآء الغآنم / طلآل سهيل / محمود مقيصيد ....

وجيكي على هالموضوع تلقين شكثر ...
وبوقت تسجيلج حطي استفسآرج يمكن نعرف ويصآدف وجودنآ ^_^ ..

KiTKaTcheya

12-10-2009, 08:06 AM

ان شاء الله
امبيه خااايفه حدي لازم ارفع معدلي :(

تجآريه

12-11-2009, 03:43 PM

< نفس الحآله .. بس مو خآيفه بآرده :p

تجآريه

12-18-2009, 03:19 AM

سآعدوني في اختيآر الأسآتذه ... لـ كتكآته ..

http://www.altjary.com/vb/showthread.php?p=36357#post36357

سآااااااااعدوني ضروري .... لـ محتآر ..

http://www.altjary.com/vb/showthread.php?t=2296&page=2

تجآريه

12-22-2009, 09:36 AM

أرجو المسآعده باختيآر الموآد ...

http://www.altjary.com/vb/showthread.php?t=2217&page=2

أبي رآيكم بمآدة محآسبه 2

http://www.altjary.com/vb/showthread.php?t=2061

تجآريه

12-22-2009, 08:36 PM

شنو الموآد التخصصيه السهله

http://www.altjary.com/vb/showthread.php?t=1057

تجآريه

12-26-2009, 07:26 PM

منو أحسن استآذ يعطي محآسبة تأمين , شرآيكم بالسمحآن ؟

http://www.altjary.com/vb/showthread.php?t=2385

دلوعه أبوها

01-19-2010, 05:04 PM

يعطيكم العافيه ماقصرتووووووووو....

صرااحه أنصحكم بالاستاذ أنور المزيدي بجد(روووووووعه)

وبأسالكم عن الاستاذ: عبد العزبز العصيمي و محمود مقصيد لأني محتاره بينهم؟!

لولو

01-19-2010, 06:11 PM

هلا دلوع انا انصحج بعبدالعزيز العصيمي
بس ترا ما يزيد درجه وحده تاخذين
حقج بالضبط شرحه بسيط امتحانه بمستوى الشرح

دلوعه أبوها

01-19-2010, 07:06 PM

مشكوره حياتي ماقصرتي بس تنصحيني اخذ عنده محاسبه تكاليف:m115::m115::m115::m115:

Al86wa

01-19-2010, 09:30 PM

من وجهة نظري احسن استاذ محاسبة ماجد العتيبي

دلال

01-20-2010, 10:18 AM

أنا أول كورس لي ماخذة محاسبة واحد عند فوزية العثمان

بصراحة خووووووووش استاذة حيل حبوبة وطيبة
فهمت عليها عدل بس البنات يقولون إنها مو ذاك الزود بالتفهيم وأنا أشف عكس هذا
اهي تبذل مجهود وإهي تفهم وتحاول قدر ما تقدر تدخل المعلومة وما عندها مشكلة تعيد مرة مرتين
بالأمتحان الأول الكل زفت ولما أقول زفتنا يعني صج زفتنا وأعلى بنت كانت ماخذة 17 فزادتنا كلنا 3 درجات والامتحان الثاني عطيتنا بونس 10 درجات علشان نسنع درجة الامتحان الأول
وغير إن زادتنا درجتين زيادة =)

الأبلة زينة وحبوبة بس سمعت إنها ما تعديد الامتحانات لأي ظرف فلا تتغيبن عن الامتحان =)
وامتحاناتها سهلة أصلن محاسبة واحد سهلة بس انتبهو وركزو شوي
يزاها الله خير بس امتحان الفاينل يا موحد وبصراحة يشق شق =_="""""""" فالله يعين شنو مقدمين

KiTKaTcheya

01-21-2010, 08:33 AM

دلوعة ابوها يمدحون محمود انا ماخذه محاسبه 2 عند عبدالعزيز شرحه زين ويخلص الشرح بربع ساعه
بالدرجات مايزيد كل وحده وحقها

لولو

01-21-2010, 10:34 PM

أتمنى من الشباب
يقولوني لي احسن اساتذة محاسبه
لان اخوي محاسبه ومو عارف
منو الزين ومنو الشين بليز قبل لا يبدأ
التسجيل المتأخر

يآتفارق يآتحب

01-21-2010, 10:38 PM

انا خذيت محااسبه 101 عند عاادل دشتي هذا والله يعطي وطيب وتدريسه حلوو لكن مااظنتي بينزل .. بس هذا الي عندي عاادل دشتي وانصحج فييه

واسمحيلي ع القصوور

تجآريه

01-22-2010, 04:56 AM

منصور السعيد – منصور الشمآلي – أحمد العنزي – عآدل الفضلي – أشرف ميزرآ
حمد العوضي – ملفي الظفيري – لآفي العآزمي ,,

هذول أسمآء الأسآتذه عند الشبآب ويمدحونهم ,,
بس شنو أقسآمهم بالضبط مآدري بس كآتبه الأسآمي ..

عاشقها المدريدي

01-22-2010, 01:21 PM

..

محآسبة 101 ..

فيه دكآتره وآيد زينين ..

فيه : بدر الشمآلي - بدر الشمري

محترمين هالدكآتره

و وآيد عجيبين !

بس لايطيح عند وليد السلطآن !

و بالتوفيج له موفق خيي

..

حـوور

02-14-2010, 02:01 PM

السلام عليكم

بغيت اسألكم عن : هنادي البدر – وفاء الغانم

شرايكم زينين يعني يعطون درجات ولا لا ؟

تجآريه

02-15-2010, 08:40 AM

وعليكم السلآم والرحمه ,,

هنآدي البدر تكلمت عنهآ بـ هالموضوع ..
http://www.altjary.com/vb/showthread.php?t=3201 (http://www.altjary.com/vb/showthread.php?t=3201)

ووفآء الغآنم نآس تمدحهآ ونآس تذمهآ ^_^

BoDi

02-17-2010, 05:47 PM

الموضوع مخصص لأسآتذة المحآسبه ..

تم نقل ردك إلى هذآ الموضوع :

http://www.altjary.com/vb/showthread.php?p=65291#post65291

أرجو الإلتزآم بقوآنين القسم :

http://www.altjary.com/vb/showthread.php?t=3358

غـلاا

02-21-2010, 09:01 AM

صبـــــاااح الخيــــــــر

باختصاار انا وحده فاشله بالمحاسبه

وكنت ماخذتها الكورس الي طاف عند اامنه الخطاف <<< مو شي بصرااحه

حتى الشاطرااات يذمونهااااا

المهم انا برفع معدلي تنصحوني اخذ محاسبه 2

عنــــــــد فيصـــــل العنزي ؟؟ << قولولي رايكم فيه

ولا هنـــــــادي البدر ؟؟

ابي الرد ضروري :m92:

رماد الشوق

02-21-2010, 09:32 AM

تجآريه

02-21-2010, 12:23 PM

إهني متكلمه عن هنآدي البدر ...
إخذي عند فيصل يمكن أحسن ..

http://www.altjary.com/vb/showthread.php?t=3201 (http://www.altjary.com/vb/showthread.php?t=3201)

نور عيني

02-21-2010, 12:50 PM

مسآء الوورد يا ورد

شلونكم شخباركم

انا سجلت عشان اسأل عن استاذ مبارك خضير شرايكم فيه لان تسجيلي باجر و ابي استفسر

>> لا تقولون انكم تكلمتو عنه ابي رايكم فيه

رماد الشوق

02-21-2010, 12:56 PM

نور عيني هلا فيج بينا

مبارك خضير شديد بالدرجات وانا كنت ماخذه عنده محاسبة شركات بس يكتب ويكتب ويكتب وامتحاناته نوعا ما صعبه

نور عيني

02-21-2010, 05:33 PM

رماد

مشكووره على الرد

بس شرايج اخذ ولا اسحب الماده لان رفيجاتي ما يمدحوونه

تجآريه

02-21-2010, 05:50 PM

بنت عمي كآنت مآخذه عنده ,,
تقول إنه أحسن من غيره يعني مو شدييييد حيل أو
نظآم وليد المنيع عرفتي ؟

إنتي شنو المآده اللي تبينهآ ؟ شركآت ؟
إذآ شركآت .. شوفي إمتحآنآته بالمنتدى شوفي طريقتهآ ..

حرآم شحقه تسحبين ..
إخذي وتوكلي على الله مدآم الفرصه حصلت لج
غيرج يدور الموآد دوآره ...

حتى لو مآيمدحونه إنتي شـ بيهمج إحضري وركزي
وحلي وإدرسي والبآقي على الله ..

نور عيني

02-21-2010, 09:10 PM

كلامج صح

الماده محاسبه شركات بس وين اشوف الامتحان ؟

اي قسم ولا ياريت تحطين الرابط

رماد الشوق

02-21-2010, 09:38 PM

نور عيني .. شوفي برايي تقعدين عنده لانه اهو تقريبا احسن واحد يعطي الماده لكن حاولي وشدي حيلج علشان ما تنظلمين معاه

نور عيني

02-22-2010, 12:54 AM

اوكي انا باجر تسجيلي بشووف

يعطيكم الف عافيه

نور عيني

02-22-2010, 11:26 AM

في احد يعرف يعقووووب محمد استاذ محاسبه ماده شركات بليز

LelOucH

02-22-2010, 01:59 PM

شباب حسن الكندري يعطي محاسبه 2

شلونه من رجال شديد ولا عادي

تجآريه

02-22-2010, 02:08 PM

نور عيني أنا سجلت عنده .. الظهر صح ؟
في وآحد يمدحونه إسمه يعقوب عبدالله علبآلي هو وحطيته ..

دل .. قريت أكثر من رد بمنتديآت ثآنيه يمدحونه ..

تجآريه

02-22-2010, 02:18 PM

نور .. أنا غيرت يعقوب محمد ..
وخذيت الـ هت هت ..

الكورس اللي طآف ..
كآن فيه استآذ اسمه عبدالرحمن المخيزيم ..
جآي من البنين .. وحييييل يمدحونه ..
ونفس اليوم ونفس الوقت ..

على الله يكون هو ..

نور عيني

02-22-2010, 05:05 PM

شكرآ لكل من رد علي

ابي انصحكم :)

في استاذه اسمها سميره الشالح عجييييبه و تعطي درجات من الهيئه اهي حق ماده محاسبه حكوميه

و ميراج خميس زينه حق مخازن

وفي مروه استاذه مصريه عجيييييه حيل تعطي اكثر من ماده بس انا اخذت عندها تكاليف بصراحه سهله و تلخص لج الي تبيه وقت الامتحان يعني بس قانونين و 3 مسائل و تعكي درجات

موفقيــــــــــــن

تجآريه

02-22-2010, 06:01 PM

مآقصرتي ...

lilla

02-23-2010, 03:14 PM

بنات انا غيرت المحاسبه كنت عند وليد المنيع اخذت عند امنه الخطاف شلونها زينه ولا لا؟
ورفيجتي خذت عند هاجر العصيمي زينه ولا لا؟

نور عيني

02-23-2010, 09:52 PM

وليد لا تاخذين عنده

امنه زيــــــــنه بس شنو نظامها حقج و بس ما تساعد شرحها حلو ما تعتذر

حـوور

02-24-2010, 02:27 PM

انا اخذت محاسبه 2 عند احمد السمحان شــرايكم زين ولا لا ؟؟

نور عيني

02-24-2010, 03:06 PM

ما اعرفه

βάяọọήħ

02-28-2010, 12:39 AM

\\\\

مرحباا ..

انا اخذت محاسبه 2 عند ا.هنادى البدر ..

شنو رايكم فيهاا .. !!

////

تجآريه

02-28-2010, 05:32 AM

بنآت أسألتكم مجآوبينهآ بنفس هالموضوع ‏,,
إقرو الله لآيهينكم ‏...

βάяọọήħ

02-28-2010, 11:25 AM

\\\\

مشكوؤوره حبيبتي وتعبناج معانا ..

////

KiTKaTcheya

03-01-2010, 10:46 AM

قووووووووه
بغيت اسأل عن الاستاذه هاجر العصيمي
اول مره اشوف اسمها منو يعرفها؟؟
انا غيرت وقت تسجيلي عشان اذا زينه باخذ عندها

تجآريه

03-04-2010, 10:09 AM

مبآرك الخضير ..

http://www.altjary.com/vb/showthread.php?t=3670 (http://www.altjary.com/vb/showthread.php?t=3670)

سعوووده

03-06-2010, 12:01 PM

شرايكم بعبد العزيزالعصيمي امانة ردو علي
لاني عند وليد المنيع وابي اغيرة

سعوووده

03-06-2010, 12:16 PM

شرايكم بعبد العزيزالعصيمي امانة ردو علي
لاني عند وليد المنيع وابي اغيرة

وينكم بنات وينج تجارية

سعوووده

03-06-2010, 12:30 PM

[quote=سعوووده;75575]وينكم بنات وينج تجارية[/quo

شرايكم بالعزيز العصيمي

KiTKaTcheya

03-06-2010, 12:32 PM

زين
ياحظج انا الحين عند وليد السلطان وابي احول عند عبدالعزيز العصيمي :(
ان شاء الله باجر يفتح لي التسجيل عشان احول عنده :(

kandrya

03-06-2010, 08:07 PM

السلام عليكم
انا ماخذا هل الكورس وايد مواد وبغيت اشوف رايكم بالاساتذة إلي انا ماخذة عندهم وريت تعطوني
خبر سريع :)
محاسبة خاصة ب عند آمنة الخطاف
محاسبة تأمين عند رشا النجم
محاسبة شركات ما قال اسمة عند هت هت
محاسبة انجليزي عند محمد الشهابي

وان شاء الله تفيدوني:)

تجآريه

03-06-2010, 09:03 PM

اللي يسألون عن آمنه الخطآف .. نفس الموضوع متكلمين عنهآ ^_^

هذآ الرد ..

وكنت ماخذتها الكورس الي طاف عند اامنه الخطاف <<< مو شيبصرااحه
حتى الشاطرااات يذمونهااااا

واللي يسألون عن عبدالعزيز العصيمي ..

هم نفس الموضوع ^_^

هلا دلوع انا انصحجبعبدالعزيز العصيمي
بس ترا ما يزيد درجه وحده تاخذين
حقج بالضبط شرحه بسيطامتحانه بمستوى الشرح

هلا لولوه بصراحة خوشاستاذ يعطي درجات مايقصر

شكرا هدى هو مشالله عليه
يوصل المعلومه بس ما أدري عن امتحاناته
لان امتحاني يوم الاثنين الله يستر

تجآريه

03-06-2010, 09:18 PM

آمنه الخطآف ذموهآ ...

محآسبة تأمين رشآ النجم ... خذيتهآ الكورس اللي طآف ,,,
كآنت أول مره تعطي المآده .. حسيتهآ شوي ضآبعه أو مو عآرفه شلون
تشرح ..

مآحبيت طريقتهآ مع إنهآ زينه .. متفآهمه .. وحيييل هآديه ..
بس عن نفسي مآ أحب جذي ..
تسآعدج .. إمتحآنهآ الأول إن مآخآب ظني عشرين والثآني عشرين ..
وتعطي وآجبآت بصوووره مستمممممممره ..

يآحسآفه يآمذكرآت التأمين .. قطيتهم مع إني كنت أبخشهم للمنتدى >_<
أتوقع أتوقع عندي امتحآنهآ ... إن لقيته حطيته لج ...

محمد شهآبي يسآاااااااااعد لأبعد حد ,,
شوفي قسم الموآد المشتركه .. موضوع مثبت إسمه أسآتذه يستحقون الشكر
أو أسآتذتنآ المبدعون ...

سعوووده

03-07-2010, 01:11 PM

بنات تنصحوني بعطية الشمري محاسبة 2 او هاجر العصيمي شلونهم زينين ولا لا

سعوووده

03-07-2010, 01:12 PM

بنات تنصحوني بعطية الشمري محاسبة 2 او هاجر العصيمي شلونهم زينين ولا لا

بسرعة بنات ابي اسجل وينج تجارية

سعوووده

03-07-2010, 01:17 PM

بسرعة بنات ابي اسجل وينج تجارية

قصدي عطية الشمري اصول ادارة وهاجر العصيمي محاسبة 2

سعوووده

03-07-2010, 01:26 PM

قصدي عطية الشمري اصول ادارة وهاجر العصيمي محاسبة 2
شرايكم فيهمزينين ولا لا لاني بسجل الحين

سعوووده

03-07-2010, 06:06 PM

قصدي عطية الشمري اصول ادارة وهاجر العصيمي محاسبة 2

يهم احسن وليد المنيع ولا هاجر العصيمي ضروري ردو تجارية ابي الفزعة يلا بسجل ضروري تردون

سعوووده

03-07-2010, 06:11 PM

يهم احسن وليد المنيع ولا هاجر العصيمي ضروري ردو تجارية ابي الفزعة يلا بسجل ضروري تردون
ويكم ردوا علي

آوتآر آلحّ ـزن

03-07-2010, 06:17 PM

لآ وليد محد يمدحه

kandrya

03-07-2010, 06:40 PM

مشكورة حبيبتي على الرد
سعودة ترا وليد لمنيع حدة مو مادحينة وايد شديد وعصبي

سعوووده

03-07-2010, 06:47 PM

زين شلون هاجر العصيمي تفهم انا ابي احد يفهم عدل وانا من الطالبات المجتهدات شرايكم اخذ وليد ولا هاجر العصيمي

سعوووده

03-07-2010, 08:39 PM

بنات ردو ضروري شرايكم بهاجر العصيمي

lilla

03-13-2010, 05:35 AM

بنات شلون امتحانات امنه الخطاف صعبه ولا عادي وايد بنات يقولون امحانتها صعبه

kandrya

03-18-2010, 01:05 AM

انا هل الكورس ماخذة عند آمنة الخطاف والله يستر منها :)
بنات ابي مساعدة ضرورية شلون الاستاذ طلال السهيل (هيئة تدريسية)
ابي ملخصات وكتاب محاسبة شركات ما عليكم امر

غلا شمر

03-22-2010, 11:30 PM

بنااات اللي عندها امتحانات الدكتور
هااني الفيلي محاسبة بنوكــــ
ياليت تنزلهااا

تجآريه

04-01-2010, 01:49 PM

من فهمني ملكني :

انا ماخذة محاسبة عند نورة العبدلله بس مادري زينة ولا لأ بليييييييييييز اللي يعرفها يقولي

لولو :

اللي تسال عن نوره عبدالله
انا كنت ماخذه عندها اهي ما تفهم وايد
بس بالدرجات زينه يعني انا كانت اعمال الفصل عندها30
توقعت d لقيتها حاطتليb بس انتي شدي حيلج
امتحاناتها عاديه بس ادرسي من الكتاب مو من شرحها

!! a7la 7alawa !! (http://www.altjary.com/vb/member.php?u=499)

2 محاسبه فوزيه العثمان يمه يمه هذي مو إستاذتي هذي امي واي فديتها حدها تينن بس مو مكتوب أسمها بالتسجيل مكتوب من الهيئه بس روعه كلمت روعه شويه ووو ووايد تساعد بالدرجات

البروفيسور

04-04-2010, 10:18 AM

نسال الله ان يوفقكم/يوفقكن............طلبة وطالبات المحاسبه
البروفيسور

الخفوق

04-06-2010, 09:39 PM

مشكوره حياتي
يعطيك العافيه ع الافاده

القناص 906

04-14-2010, 12:34 AM

ياجماعه شلون الدكتور علي العوضي وشنو رأيكم فيه ؟

LelOucH

04-15-2010, 12:05 PM

علي العوضي محاسبه وااحد

انحشششششششششششششش

اول شي نفسيه خايسه

ثاني شي شرح سريع ومو مبسطه

رابع شي مايقدر ابد انا مره جيته بيوم الامتحان قلت له دكتور مااقدر امتحن مادرست امس كان عندنه
تماميم ومن الصبح امس وانا مع ابوي شرينه الذبيحه ودينها فمادرست قالي مومشكلتي هذي !!
وغيره من الدكاتره يقدرون ويتفهمون

رابع شي امتحاناته صعبه

وخامس شي والاهم انه مايساعد يعني حقك يعطيك ياه لا يزيدك ولا ينقصك

مبـــارك123

04-29-2010, 01:44 AM

السلام عليكم ورحمة الله وبركاته

،،،،،

،،،

انا ابي اسال عن استاذ محمد الفرج الي يعرف

اى معلومه عنه ياريت يقولها

لانه بصراحه انا

مو فاهم عنده ولا شي ولا كلمه لانه شرحه

الله بالخير

شلونه ينجح يعطي دراجات

؟؟؟؟؟
؟؟؟
؟؟
؟

تجآريه

05-01-2010, 12:18 AM

وعليكم السلآم والرحمه ,,

والله مآعندي فكره ؟ أول مره أسمع عنه ..
شد حيلك وإن شآ الله يسآعدكم ..

KiTKaTcheya

05-07-2010, 12:16 PM

السلام وعليكم

بغيت اسأل عن استاذ يعقوب محمد يدرس محاسبة شركات؟

محاماة

05-07-2010, 01:56 PM

ماعرفه بصراحه

تجآريه

05-08-2010, 07:38 PM

و يعقوب محمد تحسفت إني مآخذيت عنده يمدحونه ..

KiTKaTcheya

05-11-2010, 07:09 PM

محاماه و تجاريه ريحتوني الله يريحكم بدنيا و اخره فديتكم والله

كنت خايفه منهم مسجلتهم حق الكورس الياي

ودكاترتي

د.نادر الجيران
ا.محمد يعقوب
د.محمد الشهابي
طيبه العوضي
محاسن فضاله

الدرة المصونة

05-11-2010, 07:28 PM

السلام عليكم
شلونكم شخباركم

بغيت أسأل
منو سامع أو ماخذ عند أستاذ مشاري الفريح ؟؟ يدرس محاسبة إنجليزي ؟؟
أنا ماخذتها الكورس الياي (الأول) ..
ومشكوووورين ..

تجآريه

05-11-2010, 07:52 PM

اقتباس:
المشاركة الأصلية كتبت بواسطة kitkatcheya http://www.altjary.com/vb/images/buttons/viewpost.gif (http://www.altjary.com/vb/showthread.php?p=99859#post99859)
محاماه و تجاريه ريحتوني الله يريحكم بدنيا و اخره فديتكم والله

كنت خايفه منهم مسجلتهم حق الكورس الياي

ودكاترتي

د.نادر الجيران
ا.محمد يعقوب
د.محمد الشهابي
طيبه العوضي
محاسن فضاله

يوووه كتكآته يآبختج ,,
كل دكآترج يهبلون مآشآلله ...

وشوفي محمد شهآبي ترآ إمتحآنآته حآطتهآ بموضوع بالمنتدى ,,
ونآدر الجيرآن تكرم عينج أحطلج حل تقآوييمه ,,

يعني كورسج الجآي زييييطه ههههه

محاسب ضايع

05-13-2010, 11:59 AM

بسأل عن الدكتور محمد سلامه يدرس مادة حسابات حكوميه &

والدكتور محمد العوضي يدرس إحصاء (وماتقصرون يالغالين)

KiTKaTcheya

05-14-2010, 01:16 PM

يوووه كتكآته يآبختج ,,
كل دكآترج يهبلون مآشآلله ...

وشوفي محمد شهآبي ترآ إمتحآنآته حآطتهآ بموضوع بالمنتدى ,,
ومحآسن الفضآله حآطه تمآرينهآ بعد ,,
ونآدر الجيرآن تكرم عينج أحطلج حل تقآوييمه ,,

يعني كورسج الجآي زييييطه ههههه

لووووووووووول فديتج

بس انا خايفه من ا.محمد يعقوب لان امس شفت درجاته اللي معلقهم يخرعون اغلبهم c , d , f

فخفت منه :(

KiTKaTcheya

05-14-2010, 01:21 PM

السلام عليكم
شلونكم شخباركم

بغيت أسأل
منو سامع أو ماخذ عند أستاذ مشاري الفريح ؟؟ يدرس محاسبة إنجليزي ؟؟
أنا ماخذتها الكورس الياي (الأول) ..
ومشكوووورين ..

وعليكم السلام والرحمه
تمام وانتي؟ انا سامعه عنه انه زين واهو صغير بالعمر مو كبير
الكورس اللي طاف وقف علينا بامتحان الفاينل مال محاسبه 2 وما كنت ادري انه اهو استاذ مشاري
بس مسكين واقف على راسي ويحن يبيني احل وانا بس كاتبه اسمي بيحاول يغششني بس شكله خايف لووول
انا كنت ابي عنده بس وقته ما يناسبني :(

تجآريه

05-15-2010, 06:41 PM

مشآري الفريح حيييل يمدحونه

سبحآن الله كآن طآلب بالتجآري ورآح كمل ورد صآر مدرس ^_^
توه صغير بالعمر مآشآلله عليه ...

.

ومحمد يعقوب والله مآ أدري يآ كتكآته ,,
بس مدآم في نآس تمدحه أجل زين أحسن من لآ ينذم من الكل ..

.

محمد سلآمه مآعرفه ,,
بس محمد العوضي يمدحونه ..

نواري

05-16-2010, 01:09 AM

السلااام .... كيفكم
بغيت اسال عن استاذ عبدالعزيز العصيمي محاسبة تكاليف
و استاذ مبارك الخضير محاسبة شركات
واستاذ احمد السمحان محاسبة تامين
ويعطيكم ربي العافيه :-)

تجآريه

05-16-2010, 06:23 PM

متكلمين عنهم إهني بالصفحآت السآبقه ^_^

محاماة

05-16-2010, 06:28 PM

عبدالعزيز العصيمي روووووووعه

أما مبارك الخضير الله يعييييييييييييينج إنتي وحضج يا يرفعج سابع سما ولا يقوع فيج

أحد السمحان الكل يمدحه خووووووش واحد

:) أتمنى أفدتج

lilla

06-01-2010, 02:46 PM

بنات انا ماخذا عند نادر الجيران حسابات حكوميه الصراحه مايفهم ومجموعنه من خمسين ماعطانه ايا وامتحانه الاول بالغص عطانا علامته
واليوم امتحان امتحانه 16 صفحه الله يستر منه انا وايد امزفنه بالامتحان الثاني
بليز الي كانت ماخذه عنده ختقولي يساعد اخر شي بالعلامات ولا نحيس بعد؟؟

تجآريه

06-01-2010, 03:06 PM

مآشآالله عليج عديتي الصفحآت ^_^

أنا بعد معآج ,,
والإمتحآن ترآ نفس الثآني والكوز ... بس مودآرسته للأسف ,,
كله منآقصآت موردين وردّ واشترى ومدري شنو ؟

شوفي ترآ أغلب الظن إنه مآ حط أعمآل الفصل عشآن يسآعدنآ
لأنه الإمتحآن الثآني كللللللل البنآت مزفتين ... قآل بيجيب المسأله هذيك الأخيره ؟
ولآ جآبهآ .. إعتمآدنآ كآن عليهآ ..

فـ خليه يحسب الحسبه على كيفه
المهم ينجح وهو معروف عنه إنه زين لآ تشآئمين ..

lilla

06-01-2010, 03:54 PM

لا لا ماعديت الصفحات كان مكتوب رقم الصفحات تحت لووول
انشالله يطلع يساعد الله يسمع منج لانه انا بعد زفت بالامتحان الثاني والامتحان الاول بعد علامتي مو ذاك الزود
بي امتحان اليوم الاختياري وصح وخطأ حليته اووكي
بس القيود واااااايد خربطت :(
اذا مايبي يعلقهم عشان بيساعدنا لا يعلقهم كيفه بس خل يساعدنا لوول

محاماة

06-01-2010, 04:07 PM

نادر الجيران الكل يمدحه رفيجاتي كانو عنده يمدحووووونه حيل إن شاء الله يعطيكم درجات حلوه وتفتكون من الكليه :)

lilla

06-01-2010, 04:25 PM

الله يسمع منج حبيبتي والله هذي الماده الوحيده الي بالي مشغول فيها بس ريحتين بالي الله يريح بالج :‏)‏

تجارية سابقاً :)

06-03-2010, 01:55 PM

وااااو الموضوع حده روعه
انا جربت اكبر عدد من أساتذة المحاسبه ومحد تكرر مو لشي بس لانه ما كنت الاقي الاساتذه اللي ابيهم كله الشعب مغلقة
أ\ محمد المنيفي الشرح مو ذاك الزود بس دمه خفيف وكله سوالف واكشنات ومادري شنو وما تحسين بالمحاضره كلش واغلب البنات يابوو عنده d
نادر الجيران روعه وامتحاناته معروفه من وين بس تمارين اللي بالكتاب اخر شي نفسها بتييي حرفيا وبالارقام بس اهي محاسبة حكومية يبيلها حفظ القيود ولا اهي سهالات
اخذت صيفي مادة محاسبة شركات هت هت ويت عند استاذه مصريه اسمها سامية محمود ابدااااااااااااااااع بتختصر المنهج وتبسطه وعلى وقت الفاينل تلاقين الامتحان عندج تدريجيا
الاستاذ ناصر القنيص ( هت هت ) محاسبة بنوك شرحه حلو بس ما عنده غياب كلش
وما كان يطلعنا قبل المحاضره الا بكم دقيقه
الاستاذ الرائع محمد الشهابي ذوق واخلاق وشرح واضح وامتحانات سهله بس شوية متابعه من الطالبة وبتضمن a
هنادي البدر اسولبها وشرحها حلو ومبسط بس الاستاذه سيدا ما تحب اللي عندها لف ودوران وما تتحمل سخافات البنات عشان جذي تعصب
بس حبوبه جدا
وفاء الغانم نص ونص مادري شلون خلصت من عندها الماده

بس هالاساتذه اللي يوو ببالي
واتمنى للكل التوفيق

تجآريه

06-04-2010, 05:53 AM

الله يعطيج العآفيه مآقصرتي ^_^

وحيآج معآنآ بالمنتدى ,,

fra7

06-05-2010, 03:03 AM

[quote=الدرة المصونة;99862]السلام عليكم
شلونكم شخباركم

بغيت أسأل
منو سامع أو ماخذ عند أستاذ مشاري الفريح ؟؟ يدرس محاسبة إنجليزي ؟؟
أهلين اختي الدره

سلمج الله انا هالكورس ماخذه عنده محاسبه تكاليف.. وللأمانه هالاستاذ انصح كل وحده تاخذ عنده راقي بتعامله ويقدر جميع الظرووف

صراحه اسئلته واضحه وسهله وكل الي يعطيجياه يقوله لج ودايركت تلقينه موجود بالامتحان... استاذ ماشاءالله تبارك الرحمن سلسل بالماده وتضمنين الa

وموفقه خير يارب

التجاري هو اختياري

06-06-2010, 11:31 PM

مرحبااااا انا عضوه جديده وحبيت افيدكم انا اخذت محاسبه 1 عند هت هت بس الحمدلله طلعتلي دكتوره عجيبه اسمها وفاء بهبهاني اسلوبها محترم حيل وتفهم وحقانيه بدرجات بس تساعد شوي وعيبها الوحيد انها تشدد بلغياب معنا كانت تعطينا يوم الخميس اوف ... واتمنى اني اكون فدتكم

تجآريه

06-08-2010, 02:34 PM

مشكوره يآحلوه ^_^

.

ليلى نآدر نزل نتآيجه .. وحمدلله نجحني ..

NOOONY

06-08-2010, 05:50 PM

حديييييييييي متوهقه ابي أحسن دكتور محاسبة2 لاني عدت المادة جبتf والحين بعيدهاوماادري منو الزين ؟؟:M130:

عاشقها المدريدي

06-08-2010, 06:12 PM

..

للأسف محآسبة 2 مآكو دكتور مميز !

كلهم نفس الشي

الله يعينج و الله

..

lilla

06-09-2010, 01:21 PM

اي شفت نتيجتي اشوه حاطلي علامه زينه :)
ومبرروك عالنجاح

lilla

06-09-2010, 01:23 PM

شنو طلعت علامات المحاسبه2؟
احنا امس ممتحنيين؟؟

شذى الورود

06-16-2010, 07:33 PM

قــــوه

بغيت أعرف

شرايكم بـ أماني الرشدان ,, مأخذه عندها احصاء

و اهيا تداوم الاسبوع الاول بـ الكورس الصيفي ؟!.

محاماة

06-16-2010, 07:35 PM

اماني الرشدان يمدحونها بس محمد الصالح لايعلى عليه

شذى الورود

06-16-2010, 07:55 PM

يا بعد عمري و الله

انتي مساعدتني هني و هناك

ثنكيوو وايد وايد وايد

:)

دلال

06-17-2010, 11:32 PM

السلام عليكم ورحمة الله وبركاتة

هلا شلونكم ؟
بقولكم عن أساتذتي بالمحاسبة هذا الكورس

خذيت محاسبة 2 عند وليد المنيع
وطبعاً نفس ما قالو البنات شرحة لا يعلو عليه يدخل المعلومة براسج غصب طيب وشرحة حلووو
بس من ناحية الاسلوب .. لا تعليق ..
يعني لازم تيين قبلة ولا بره رن تلفونج بره رفعتي راسج بالامتحان بره يعني كل شي بره ع قولة البنات لووووول
كان يعطينا 3 ايام بالأسبوع أثنين واربعا والخميس بس الخميس ولا مره داوم كل يعطينا أوف ومع هذا ما تأخرنا بالمنهج بالعكس كان المنهج حيل ماشي طبيعي =)
طبعاً مستحيل تعيدين عنده امتحان ^^"
أنا مصيبتي عنده الوقت لأن امتحاناتة 40 دقيقة بس !
يعني ع قولتة كل سؤال عليه دقيقتين
البيت الشاطرة بتخلص قبل الوقت بخمس او 7 دقايق تقريباً
المستواها متوسط بتنتهي مع انتهاء الوقت او قبله دقيقة
الكسلانة لو اعطيها ساعتين ما راح تخلص فأنا ما اعطي وقت زياده !
وطبعاً بالنسبة لي نظرية فاشلة 1000%
مم ..
طبعاً كان مشغول فما علق نتايج أعمال الفصل إلا قبل الامتحان بـ 5 أيام تقريباً
وصراحة كانت صدمة الدرجات وخاصة إن كان درجات الشفوي حاطهم بالامتحان يعني بدال لا تصير الدرجة من 20 صايرة من 22 ونص !
طبعاً الامتحان الأول كانت درجتي 19 ونص وكان ع طول أول ما خلصت تظليل آخر إجابة قال خلص الوقت ..
الأمتحان الثاني كان الوقت مو مكفي وكل البنات يشتكون لأن كنا مسوين ميزانة وبعدها نحل ونختار الإجابة الصحيحة وخلص الوقت وانا مو قارية باجي الأسئلة فشيرت وعطيتة ورقتي وكانت نتيجتي 13 ونص ..
وكان مجموع اعمال الفصل 38 فسكرت الدنيا فيني ومالي خلق ادرس للفاينل لأن مهما درست ما راح اييب a
بس الكل نبهني إن صح ما راح أييب a بس يمكن أييب c
طبعاً انا مني استوعبت ودرست وامتحان الفاينل كان سهل وحليتة كله صح إلا الميزانة مو راضة تتعادل فيها 50 ما ادري وين ضايعة ويبت b

=======================

محاسبة مخازن خذيتها عند سعود العجيمي ما ادري العجمي والله ما ادري >>>> لا تسألونها بالعوايل >_>"""
أهو هيئة تدريسية ^___^

مم ..
أهو طيب ويطلعنا قبل الوقت كنا كلنا 14 بنت تقريباً
بس بالمحاضرة ندووخ لووول كانت من الساعة 3 ونص لما 5 بس كان يطلعنا 4وربع أو نص =)
والمسائل بالامتحان نفسها يكون حالها معانا أو معطينا إياها واجب يقول مره حط مسألة وغير فيها الأرقام والشباب ضاعوا وتوبة بعدها نفس الأرقام =)
وحتى إن غير شي سهل وبالامتحان ياب كان ياب لنا تريك وساعدنا فيه ^___^
مم امتحاناتة سهلة وواضحة نفس الشرح موضوعي ومسائل =)
ما إيب شي غير إلا قالكم عنه وإن ما قالكم يساعدكم خوووش استاذ ^___^
الماده سهلة بس أنا كنت احس عمري فيها ضاييعة وما ادري شلون ادرس بس طلع سهل لووول يعني اقرا إلي النقاط والشرح إلي اشرحاه معانا واتدرب ع المسائل =)
وشي طبيعي كنت انقص بالموضوعي ^^"
صراحة خوش استاذ ويعطية العافية ما قصر معانا وخذيت فيها a =)

وبس ^___^

LelOucH

06-19-2010, 06:23 PM

للأسف محآسبة 2 مآكو دكتور مميز !
كلهم نفس الشي

اي والله صاج كلهم مايعطون درجات يعطونك حقك

خذيتها مره اولي عند خالد العنزي عطاني f
خذيتها مره ثانيه عند حسن الكندري عطاني d

واثنينهم ياامه تنجح بامتحاناتك ولا f

شذى الورود

06-20-2010, 01:56 AM

السلام عليكم

:

للي درس هالمواد

حسابات مخازن

حسابات حكوميه

محاسبة تكاليف

:

من المواد اللي ذكرتهم شنو اهيا الماده اللي أسهل من محاسبه 2

لان مأخذه محاسبه2 صيفي و ودي أسحبها و أضيف وحده من اللي ذكرتهم

و اللي يعرف بليز لا يبخل علينا بـ الافاده لانو تسجيلي 22 /6

و شكـــرا مقدمــا

:)
:)

طالب مهموم

06-20-2010, 12:18 PM

شوفي خيتو قبل لا اقولج شنو لأسهل وشنو لأصعب عندي رأي

الشخصي اذا حابه تاخذين فيه على راحتج

واذا مو حابه هم على راحتج

شوفي انتي تخصصج محاسبه

والمواد الي ذكرتيها عادي كلها تتبطل من غير ما تخلصين محاسبه 2
لاكن نصيحتي لج انه تاخذين محاسبه 2 بصيفي لعده اسباب

اول سبب وهو لأهم انه محاسبه 2 تفتح لج 4 مواد محاسبه

شركات ومحاسبه انجليزي ومادتين تخصصيه اختياريه
هذا السبب لأول
السبب الثاني انه الصيفي فرصه حلوه

لأنه مده الكورس قصيره وثاني شي اغلب الدكاتره يساعدون

بصيفي يعطون درجات ويحذفون من المنهج في بعض لأحيان

يعني نصيحتي لج خلج على الماحسبه 2 في الصيفي

لأنه اذا ما خلصتي منها راح تعانين ماراح تتبطل لج المواد الثانيه

وانا اقولج هل كلام من تجربه شخصيه

انا عدت المحاسبه2 مرتين ونجحت فيها المره الثالثه

وعلى فكره الكورس الي طاف هذا توني خلصت منها

وانا دفعه 2008
والمفروض خريج الكورس الي فات لاكن بسبه المحاسبه 2

تأخرت كورسين وماراح اتخرج الا الكورس لأول

فيعني نصيحه اخو اخذيها صيفي وخليها تفتح لج مواد افضل من

انج تاخذين مواد بلأصل مبطلينها لج ولو خلصتيهم هم مجبوره

انج تاخذين محاسبه2 علشان تفتح لج مواد وراح تاخذينها بكورس

عادي ويكون الكورس طويل واحتمال ما يلغون شي من المهنج

هذا رأي الشخصي لو حبيتي تاخذين فيه

ولو ما حبيتي تاخذين فيه انا اجاوبج على سؤالج اسهل شي من

المواد الي ذكرتيهم حسابات حكوميه

لأنه مافيها قيود وايد بس آخر باب او بابين امه الباقي كله نقاط

وحفظ

وبنهايه تظل وجهه نظر لا اكثر ولا اقل

تقبلي مروري

:)

LelOucH

06-20-2010, 12:24 PM

اسهل ماده محاسبة مخازن الكورس هذا خذيتها سهله

بس مثل ماقالج طالب مهموم لو تاخذين محاسبه 2 بالصيفي احسن

الا اذا انتي خايفه ع المعدل وتبين ترفعينه

شذى الورود

06-20-2010, 06:29 PM

طالب مهموم .. LelOucH (http://www.altjary.com/vb/member.php?u=58)

ثنكيوو وايد وايد

عن جد فدتوني و ساعدتوني وايد

لان حدى متوهقه شنو أختار و ما عندى فكره عن أي ماده

:

طالب مهموم

أشكرك ع النصيحه المطوله

ما قصرت يعطيك الف الف عافيه

و كلامك عدل لازم أخذ محاسبه2 علشان تبطلي مواد ثانيه

بس أنا ما أبيها لان أنا بـ غير تخصصي و هذى أخر محاوله لي

علشان جذى كنت أبي ماده أسهل من المحاسبه2 لانو محاسبه2 استحاله

أخذ فيها A و أنا لازم أييب A علشان أقدر أغير تخصصي

:

و انشاء الله أحصل

حسابات حكوميه أو مخازن

لان شجعتوني أسجل فيها

:

ثنكيوو مره ثانيه

يعطيكم الف الف عافيه

:)
:)

عائشة

06-20-2010, 11:06 PM

السلام عليكم .. بغيييت أسئل إذا وحده فيكم ماخذه مادة محاسبة بنوك عند دكتور زييين ؟؟؟ لأن قالولي الماده وايد صعبه و اساتذتها مو شي ... ف إذا عندكم فكره ياريت تفيدوني و شكرا .. :)

نور عيني

06-21-2010, 12:16 PM

ما يمدحوونها يقولون ما تعرف تشرح وما تفهم

اخذي عند اماني الرشدآآآن ولا منال العيسى

تجآريه

06-21-2010, 12:36 PM

إنتي جيكي منو نآزل للبنوك ,,
ونبلغج منو أحسن وآحد أو أسوأ فيهم ..

ولو مآتآخذين هالمآده وتآخذين أصول مرآجعه
أحسن حيييييل ,,

.

عموماً جيكي على موضوع الأسآتذه ,,
وحطي عندج ملآحظه بالأسآمي المذمومه والممدوحه ..
خآف توهقني إلآ ع الأقل عآرفه الزين من الشين .

سبحان الله

06-21-2010, 04:43 PM

السلام عليكم

ممكن تعطوني رايكم بالاستاذ ( شرف العجمي ) اذا تسمحون ؟ من ناحية الحظور والشرح والدرجات ، وشكراً

محاماة

06-21-2010, 05:17 PM

للأمانه شرف العجمي أنا ما أخذت عنده بس فيه بنات يمدحونه حيل والله أعلم :)

رماد الشوق

06-22-2010, 12:26 AM

استاذ طلال السهلي وايد زين .. او السهيل

اعتقد اسم العايله جذي انتي شوفي اسم طلال وحطي عنده واايد زين رفيجاتي كانو عنده

بالتوفيج حبيبتي

ريميه

06-22-2010, 12:36 AM

يمدحوون فوزيه العثمان وايد

يقولون تعطي بونص ووايد زينه

بس عيبها انها هيئه تدريسيه

يعني ماندري اذا اهيا او لا

رماد الشوق

06-22-2010, 12:38 AM

8
8
8
8
8
صح فوووووووزيه العثمان واااااااااااااااااااااااااااايد واااااااااااااااااااااااايد زينه وامتحاناتها وااااااااااااااااااااااااايد سهله

عائشة

06-22-2010, 02:19 AM

شكرااا ... إنشالله بشوووف و اقولكم شمنزلين ... تجاريه آنا تخصصي بنوك مو محاسبه و هذي الماده اجباريه عندي :( للأسف ..

عائشة

06-22-2010, 02:21 AM

بشوووف هذا طلال إذا لقيييته بحطه انشالله .. هيئه تدريسية أخاف يطلعلي واحد مو شي وحده من رفيجاتي حطولها وحده مصريه نحيييييييييسه و ما تعطي درجات و ما تفهم ف أخاف اطيييح عندها ليحوووشك .. أبي درجه حلوه حرام آخر كورس انشالله فحلاته شي يرفع النسبة ..

وغلاتي

06-22-2010, 09:22 AM

ليش اختى هالماده تقدرين تسحبينها وتاخذين ماده اختياريه انصحج لانها حفظ و7 فصول كاملين فلسفه موكتاب هههه انا للاسف بعيدها موفقه

تجآريه

06-23-2010, 11:12 AM

السلام عليكم

ممكن تعطوني رايكم بالاستاذ ( شرف العجمي ) اذا تسمحون ؟ من ناحية الحظور والشرح والدرجات ، وشكراً

إقتبآس لـ أحمد عجب :

شوف انا خذيت عنده وعطاني a
بس بشرط انك تفج مخك عدل وتركز معاه و حاول ما تغيب
لان ما يحل مسائل وايد و تفهيمه مو ذاك الزود

وغلاتي

06-23-2010, 10:57 PM

استاذ سعود العجمي مخازن حلو ماشاء الله عليه اهو حصته تنوم وقتها موحلووو دوخ ساعه3 ونص:@

بس والله عظيم طيب ويساعد

lilla

06-24-2010, 03:13 PM

بنات شرايك يمحاسبه تامين سهله ولا لأ ودي اخذها واشيل اصول مراجعه لانه اصول مراجعه سهله بخليها حق كورس اول بس هم انا برفع معدلي واخاف تكون محاسبه تامين صعبه شرايكم؟
والي ماخذتها بالصيفي الساعه4 لي6 عند هيئه بليز ختقولنا شلون الاستاذ الي يعطي الماده زين ولا لا عشان لا اوهق عمري

رماد الشوق

06-24-2010, 03:16 PM

حبيبتي محاسبة تأمين سهله أنا كنت مأخذتها كلهاإا قيووود حفظ فقط يعني ماإأاكو شيء يستدعي الفهم

يعني تحفظين وتقدمين

أنا خذيت فيهاa-

بتوفيج

lilla

06-24-2010, 03:20 PM

يعني نفس قيود حسابات حكوميه لا تقوليله نفها عفيه لانه حسابات حكوميه كانت صعبه بالنسبه لي :)

دلال

06-24-2010, 03:32 PM

السلام عليكم ورحمة الله وبركاتة

مم ..
والله ما ادري ما خذيتها ، بس انا أعرف وحده خذتها تقول أبد لا تفكرين تاخذينها حيل صعبة ..
بس دام كلام رموده غير عيل أكيد الماده ع حسب الأستاذ والله أعلم =)

وغلاتي

06-24-2010, 04:08 PM

محاسبه تامين انا اخذتها صيفي والله يستر هت هت بس موفقين

lilla

06-25-2010, 12:11 AM

يلا توكلت على الله واخذتها والله يستر انشالله ماتوهق فيها
وغلاتي انتي ماخذتها الساعه جم من 4 لي 6؟؟

هيونه

06-27-2010, 05:19 PM

شلون الدكتور سعد البلوشي .. انا مسجله عنده محاسبه 1

محاماة

06-27-2010, 05:24 PM

محاسبه تأمين أخذتها عند هيئه إسمها عايشه محارب طييييييييبه وحبوووووبه تدبل لنا اعلى درجه والفاينل تغشش البنات وتساعدهم على الحل وإمتحاناتها سهله والماده كلها حفظ قيود سهله

سعد البلوشي وخري عنه محد يمدحه رفيجتي عنده وعطاها f :(

هيونه

06-28-2010, 01:05 AM

وييييي عاد انا مجبوره بالمحاسبه .. لان كنت بضيف مواد ومعلق السستم على وقتي ومن قبل كنت ضايفه بس محاسبه

ولما رحت عند التسجيل قلتلهم بضيف لان السستم معلق قالولي مايصير :/

أحمد عجب

06-28-2010, 05:51 AM

شلون عبدالرحمن البالول ؟

lilla

06-29-2010, 06:39 PM

بنات منو يعرف استاذ عبدالله العجمي يعطي محاسبه تأمين الي ماخذ عنده من قبل ابي اعرف اهوا زين ولا لا بالدرجات واذ يساعد ولالا

وغلاتي

06-30-2010, 05:49 PM

يلا توكلت على الله واخذتها والله يستر انشالله ماتوهق فيها
وغلاتي انتي ماخذتها الساعه جم من 4 لي 6؟؟

حبوبه انا مخذتها من ساعه2 لين 4 ..الله يعين بس لاستاذه يمدحونها مادري نسيت اسمهاكويتيه مومتحجبه مبنى 2 قاعه 212 بس حولنا الي قاعه205 لان حرر

بس اتينن احلى شيء تعطيج اوراق ملخصه >>

وغلاتي

06-30-2010, 05:55 PM

عبدالله عجمي ماعرفه ..!

ماعرفه عبدرحمان البالول.!

موفقين يارب

يارب وفقني

07-01-2010, 08:10 PM

شرايكم جمال السليم

تجآريه

07-02-2010, 03:35 AM

مآعرفهم ,,

lilla

07-02-2010, 02:42 PM

لا انا مبنى 4 وهم شكله الاستاذ زين واحنا 5 بنات بس وكلهم خريجات الا انا بس طبعا اهوا مايدري انه انا مو خريجه كل مايسأل كلكم خريجان انا اسكت :)
اخاف بعد يساعدهم اهمه بس عالبونه خريجات بس لا شكله خوش واحد قال بساعدكم وبختصرلكم المذكره
بس مادري عاد راح يخلينه نغش ولا لا :)

faisal-alshamri

07-10-2010, 12:23 PM

السلام عليكم ورحمه الله وبركاته
انا صارلي سنه ونص من دخلت الكليه في دكتورين ما انصح احد ياخذ عندهم
الاول:مشعل الغربللي - محاسبه 2 حيل شديد على الغياب شرحه يطول المساله وهي سهله وعطانيfa
الثاني :خالد العنزي - محاسبه 2 شرحه روعه يعطيك المهم بس اختباراته صعبه والفاينل اصعب عطاني D

شباب ابي اسال عن الدكتور فيصل سلامين محاسبه تكاليف شلون الشرح ويعطي درجات لان عندي انذارين معدل ومعدلي 1.79 وماخذ محاسبه تامين الدكتور للحين مو مداوم الماده سهله او صعبه وهي قيود او حفظ

تجآريه

07-10-2010, 11:41 PM

الله يعطيك العآفيه ,,

فيصل سلآمين تكلمنآ عنه بس نآسيه بالضبط شنو >_<
جيك على الصفحآت اللي طآفت للموضوع ..

وتأمين حييييل سهله مآفيهآ شي لآتحآتيهآ كلش ,,
جم قيد .. و ورآ قوآئم عآديه ...
بسيطه حيل لآتشيل همهمآ قيود لهآ أفكآر تحفظهآ .. عآدي مو حسبه وحآله ..
والقوآئم بعد حفظ ..

يعني عآدي إن شآلله ^_^

تكآليف حلوه بس مآحبيتهآ ,,

faisal-alshamri

07-11-2010, 12:47 AM

الله يعطيج العافيه تجاريه
فيصل سلامين يقولون زين بس الله يستر من محاسبه التامين لان الدكتور للحين مو مداوم وامتحانات الميتيرم قربت

تجآريه

07-11-2010, 12:56 AM

عآدي لآ تحآتي ,,
شـ عليكم مدلعين ^_^

حتى لآجآكم متأخر ..
رآح يكون مضطر يقلل الكميه أو يحدد شنو بالضبط بإمتحآنه ..
بحكم إنه التأخير عليه .. رآح ترتآحون ^_^

Aimar

07-19-2010, 02:13 AM

السلام عليكم و رحمة الله و بركاته
بخصوص المدرسين بعطيكم (رايي الشخصي) عنهم ، و ان شاء الله ما اكون قد ظلمت احد فيهم
و نحن هنا فقط إن انتقدنا انتقدنا عملهم وليس شخصهم ..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ

ماجد العتيبي (محاسبة1)
الدكتور ما شاء الله عليه مجتهد و طول المحاضره وهو يحل مسائل، و وواجباته كثيره ، وبالدرجات كريم ويحاسب على الحضور والغايب ،و لا بأس انكم تاخذون عنده ..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ

خالد الجريوي هت هت (محاسبه1)
شرح متواضع و اخطائه بالحل كثيره + ياخذ وقت المحاضره كامل و زياده بعد
وياخذ الغياب و الدرجات لكم عليها شوي وفوق هذا كله كل يوم يعطي واجب وياحسب عليه ، وامتحاناته صعبه !
و غير متعاون ابداً مع الطلبه ..
يعني خلاصه الموضوع .. ما انصح فيه !
و اعتقد انه ينافس علي العوضي على جائزة اسوأ دكتور محاسبة بالكليه !!

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ

حسن الكندري (محاسبة2)
شرح متميز و جو المحاضره عنده حلو و الشيء الحلو ان محاضرته
مو كلها تدريس بتدريس .. يعني يقلبها شوي غشمره وسوالف مع الطلبه
و بالنسبة للغياب بس اهم شي عنده تحضير الطلبه واللي يبي يمشي ماعنده مشكله
امتحاناته تميل للصعوبه ما عدا اول امتحان ، يعني لا مانع من انكم تاخذون عنده ..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ

محمد الفرج هت هت (محاسبة2)
دكتور جديد .. وشرحه غير مفهوم و يحاسب جداً على الحضور والغايب ، و امتحاناته
متوسطة الصعوبه وشخصياً افضله على حسن الكندري ..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ

اوس الاسطى هت هت (محاسبه حكوميه)
مدرس "فله" محاضراته كلا سوالف وقصص يعني يشرح لنا الماده
عن طريق القصص و يقول لنا احداث واقعيه صارت معاه و هو حبوب ودايماً
مبتسم و للامانه انا امتحاناتي كلها غشيتها عنده و اخذت +c و كنت من اقل الطلبه
بالدرجات .. يعني اللي ياخذ عنده مثل مانقول طاحله على "كنز" :)

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ

بدر الشمري (محاسبة تكاليف)
محاضرته حلوه وذلك فيها سوالف وضحك و جو حلو ومعلومات مفيده ، والشرح
جيد جداً ، و يحاسب على الحضور والغياب بس مو متشدد فيه ، وامتحاناته سهله ،
واعتقد انه افضل من يدرس هالماده بالكليه ، ويعني اكيد انصح انكم تاخذون عنده ..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ

فيصل الطبيخ (محاسبة مخازن)
شرح جيد و ومرات يسجل غياب و مرات مايسجل (حسب المزاج)
اختباراته كلها نفس المسائل اللي بالكتاب ، مشكلته الوحيده انه يتأخر اكثر من نص عن محاضراته
، والغش عنده عادي ، و انصح انكم تاحذون عنده ..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ

احمد معرفي (محاسبة انجليزي)
شرحه اقل من جيد و امتحاناته متوسطه و يحاسب على الحضور والغياب و الواجبات ، و ماقدر انصحكم فيه او لا لاني ماعرف باقي المدرسين لهالماده ..

ساره البلوشي

07-19-2010, 11:41 PM

عبدالعزيز عجيييييييييييييييييييييييييييييييييييييييب وهاجر انحاشي وليد وييييييييييييييييييييييييييييييييييييييييييييييييي ييييييييييييييييييييييييييع نفسيه السمحان ويعذر مشي حالج وعبدالهادي زين كله معتذر بس ما يقول قبلها بيوم يوهق وص بسرعه محاضرته تخلص بسرعه ما يعرف شي اسمهf هاني الفيلي ويع مو ذاك الزودالشهابي زين مقصيد وايد زين وحليو بس يسوي روحه شي بالبدايه نادر الجبيران وااااااااااااااااااو صج البرينس

ساره البلوشي

07-19-2010, 11:43 PM

بدر راقي بس كله يسولف عن دراسته برا بس يفهم ويقدر الطالبه جنج اخته

lilla

07-24-2010, 02:43 AM

بنات منو احسن استاذ حق ماده محاسبه تكاليف انا ماخذتها الكورس الياي عند محمود مقصيد بس في ناس ماتمدح شرحه فبغيره بس تنصحوني اخذها عند منو

fra7

07-24-2010, 03:39 AM

نصيحه لوجه الله انصحج يا اختي... وعن تجربتي الششششششششخصيه...

اخذيها عند الاسسستاذ \ مشششششاري الفريح..

ماشاءالله استاذ بمعنى الكلمه اسئله يعطيجياهاا وبالضبط مثلها بالامتحاااااااااان... وتضمنين الِ a

وموفقه خير يارب...

آداريه

07-31-2010, 08:29 PM

سؤال منو افضل استاذ لمحاسبه واحد انا باخذها كورس اول تسجيل متأخر

محترمه

08-03-2010, 12:17 AM

ابي اقول حق كل واحد ماخذ تخصص محاسبه ياخذ عند بدر الشمري دكتور روعة وعجيب وشرح حلو ودرجات بالهبل يعني ضامنين a

دلال

08-03-2010, 12:21 AM

شكراًًًً محترمة ع النصيحة والله انا اسمع البنات كله يمدحون عنده وإن شاء الله نحصلة وناخذ عنده لأن صج البنات وايد يمدحون فيه =)

محاماة

08-04-2010, 02:49 AM

تحذير ...
وخروا عن مبارك الخضير لأنه صج صج يظلم الشاطره :(

LoOoYa BuFtaiN

08-15-2010, 06:33 AM

انا بتكلم عن الدكتور فيصل العنزي و الدكتورة هنادي البدر

1- د.فيصل العنزي : دكتور طيب و على نياتة يخرع البنات بس بالكلاس اما امتحاناتة على قد الشرح اللي يشرحة اسلوبة حلو ومتفاهم و كلة يهدد و غشمرجي و دمة خفييف
انا اول شي كنت خايفة منة بصراحة بس بعدين عطاني اكثر من حقي و قال اللي تاخذ بالفاينل 45 من 50 راح تاخذ a حتى لو ما سوت عدل بالاول و الثاني
و اخر الكورس قالنا سامحوني اذا غلطت عليكم طول الكورس انتوا حسبت بناتي و الله خوش دكتور عجبني
__________________________________________________ _____

2- د. هنادي البدر : اما بالنسبة لها ما تعرف تشرح اقولكم بصراحة كنت اييب مدرس خصوصي.. بس بالدرجات طيووووبة و فظيييعة و مثل ما قالوا البنات اهيا نظامها اعطيج مثل ما تعطيني و بس سلامتكم :m61:

انين الشوق

08-29-2010, 12:10 AM

بعد عمري انا ما اعرف اي دكتور ولا دكتوره
وخايفه من التخصص كثير واخاف الدكاتره شداد
وانطر القبول ينزل اناااا مستجده والله يستر

محاماة

09-16-2010, 07:52 PM

بقول أسامي الاساتذه إللي درسوني الزينين والسيئين :)

محاسبه 1 أخذتها عند عبدالله المطوع غثيث ولايفهم وكله يزف من مأثوراته ( وين قاعدين بفريج بن دعيي . شارع الغربللي . سوق اليمعه على قولته وإذا وحده تأخرت فتسليم الورقه يقول لها شنو تنطرين الوحي ينزل عليج ماظن راح ينزل لأنه بس نزل على سيدنا محمد أقول عطيني ورقتج خلاص :(.
محاسبه 2 عند مبارك الخضير هالإستاذ الظاهر عنده حول فالدرجات يعني يعكس الدرجات ممكن تكونين مهمله ولاتدرين وين الله قاطج ويعطيج إمتياز عاااادي والعكس صحيح شرح مايفهم وكله أطلع له أخطاء مايشرح بس يجي يبطل التقاويم ويقعد يكتب وغالباً كل البنات طاقينها شخري :)

محاسبه مخازن عند الإستاذ أنور المزيدي روووعه إستاذ شرحه قمه ونفسيته رهيبه والإمتياز تاخذونها بكل سهوله وذمه

محاسبه تأمين عند عايشه المحارب مو حيل تفهم بس طيبه وحبيييييييبه وهم ماتقصر فالدرجات

محاسبه شركات مبارك الخضير ( كفيت ووفيت فيه سابقاً )

محاسبه تكاليف عند إيمان الغربللي تفهم وشرحها حلو بس بالدرجات ترفع على كيفها

محاسبه حكوميه عند نغم سحيم الدبوس حلو شرحها ونفسيتها زينه بس تصدم فالإمتحان يعني تقول بجيبه إختياري ونتفاجأ إنه لأ العكس بس إمتحاناتها حييييل سهله ومريحه

محاسبه بنوك عند إستاذه رابعه المهنا حبيبتي والله ياحلوها تهبل بس كانت ماتعرف تشرح بس بعدين تعدلت لأنها أول مره تدرس هالماده إمتحاناتها صعبه حيل بس الفاينل عجيب ولا عندها مشكله فالدرجات يعني سهالات

محاسبه إنجليزي للدكتور محمد الشهابي هذا عاد مبدع صج إنه كله يضحك بس إمتحاناته سهله ونفسيته حيل حلوه ودرجاته تماااااااااام :)

وبس

للحياة انا امل

09-16-2010, 08:20 PM

لووووووووووول عبدالله المطوع هذا مو صج اشوه اني ما اخذت عنده,,,

M!S.S

09-17-2010, 12:48 PM

يسلمو/ماننحر منكم,

هنادى البدر حلو ماخذه عندها اماوليد المنيع موشيء :(

محاماة

09-17-2010, 05:13 PM

إيه والله زين ما أخذتي عنده :)

•°o.O لــوليــتا O.o°•

09-17-2010, 08:58 PM

الاستاذ فيصل العنزي صراحه من احسن الاساتذه وربي ماشفت استاذ طيب وحبوب كثره ويحب يسولف وايد بس شرحه روعهـ تطلعين من المحاضره وانتي فاهمه كل شي وامتحاناته مو صعبه حتى اخر شي رحت اشوف درجتي ولا شافني جان يقول ها درجت عاجبتج عاد انا قلت اي حمدالله جان يقول شرايج ارفعج عاد انا ماصدقت قلت لا من صجك استاذ ولا تتغشمر جان يقول لا من صجي عاد لا تنسين تدعيلي

الاستاذ محمد المنيفي صراحه مو شي كله يسولف وتخلص المحاضره ويقول يلاا المره الجايه نكمل ياليت يسولف ويفهم اوكي عادي لا اهو مايفهم ولا شي ويقول قصت حياته ما انصح احد ياخذ عنده عاد انتم وكيفكم

محاماة

09-17-2010, 09:55 PM

محمد المنيفي ياقردها إللي تاخذ عنده الحمد لله ما أخذت عنده :)

ريميه

09-19-2010, 04:39 PM

محماااماه

ضحكتيني على سالفة الوحي لوووووووولز انا لو قايلها لي اطلع من السكشن فشششله
اشوه اني عرفته من الحين بلااك لست المطوع

المنيفي .. اعرف وحده يدرسها الكورس اللي طاف
تذمه وايد تقول عنه انه عادي ايي عندج ويسحب تلفونج ويقول منو يتصل فيج
اف انا قالت لي جذي .. انصدمت لاحد ياخذ عنده نصيحه

بنااااات باخذ محاسبه 1

وابي احسن الاستاذه او الدكاتره

منو تنصحوني عنده .. لاني متاخرهــ
ودي اخذها عند فوزيه العثمان بس اهيا هت هت يعني ماعرفهااا
او اخذها عند البلوشي ... بس محامااه ذمته وخفت مالي خلق اجازف لاني متاخره

صج بنات عادي اسال السكرتيره عن الهت هت واعرفهم منو قبل تسجيلي

وابي اسال .. عادي اخذ مواد تخصصيه اختياريه .. وانا للحين ماخلصت محاسبه 1
والا الا اخلص محاسبه 1 واخذ محاسبه بنوك واصول مراجعه الخ ؟؟؟

محاماة

09-19-2010, 05:06 PM

السكرتيره إحتمال كبير ماتعلمج
وسعد البلوشي لاتاخذين عنده طيعيني
والمواد التخصصيه المسانده ماراح تتبطل لج إلا لما تاخذين محاسبه واحد ومحاسبه ثنين

نواري

09-19-2010, 08:17 PM

مرحبااااااا
ابغى اسئل عن محاسبة تكاليف استاذ عبدالعزيز العصيمي
محاسبة تأمين احمد السمحان

للحياة انا امل

09-19-2010, 08:21 PM

عبدالعزيز ألعصيمي وايد زين

السمحان لاااا

دلال

09-19-2010, 09:16 PM

السلام عليكم ورحمة الله وبركاتة

شلوووونكم بنات =) ؟

اليوم أخيراً طلع الجدول إلي مسجلته لووووووووووووووول ما بغى

المهم إني ماخذه عند وفاء الغانم محاسبة شركات
قريت عنها كلكم تقولين نص ونص او إن البنات يمدحونها ><"""

ممكن تفصيل اكثر تساعد بالدرجات تعذر وبشكل عام شلون الماده امتحاناتها شلون صايره ؟!

ما ادري ابي وحده شوي تشرح عن طريقتها وجذي ^^"
وبسأل منو احسن استاذ لهذي الماده ؟!

وشكراًًًًًً =)

ريميه

09-20-2010, 12:00 AM

محامااه الله يبارك فييج فديتج

اي البلوشي مادري ليش خايفه منه
كل التخصص مايبطل الا بعد محاسبه 1 و 2
يالله سهالات ربج يسهل انشالله

بس انتي تقولين العصيمي ليكون هاجر العصيمي .. لالا هاجر ماخذ عندها شفت سكشن لها اغلبهم f
تخرع بصراحه
يمدحون استاذ بدر
بس مادري شسمه بدر شنوو
يعطي a وانتي مريحه

ريمـاس

09-20-2010, 10:39 AM

اقتباس:
المشاركة الأصلية كتبت بواسطة دلال http://altjary.com/vb/images/buttons/viewpost.gif (http://altjary.com/vb/showthread.php?p=167667#post167667)
السلام عليكم ورحمة الله وبركاتة

شلوووونكم بنات =) ؟

اليوم أخيراً طلع الجدول إلي مسجلته لووووووووووووووول ما بغى

المهم إني ماخذه عند وفاء الغانم محاسبة شركات
قريت عنها كلكم تقولين نص ونص او إن البنات يمدحونها ><"""

ممكن تفصيل اكثر تساعد بالدرجات تعذر وبشكل عام شلون الماده امتحاناتها شلون صايره ؟!

ما ادري ابي وحده شوي تشرح عن طريقتها وجذي ^^"
وبسأل منو احسن استاذ لهذي الماده ؟!

وشكراًًًًًً =)

دلال انا بعد مسجلة عند وفاء الغانم بس محاسبة مخازن والله يستر منها لان احس محد يمدحهابنات شرايكم فيها من ناحية الدرجات والشرح والنفسية اهم شي

محاماة

09-20-2010, 06:31 PM

ريميه أقصد عبدالعزيز العصيمي خوووش واحد صراحه

محاسبه شركات دلوله لاتاخذينها عن الخضير إخذيها عند وفاء حيل متساهله وتشرح بذمه غير إنها ماتظلم أبداً إخذي عندها وربج يسهل :)

دلال

09-20-2010, 06:44 PM

يسلمووو محاماة عن النصيحة بس تدرين شنو مشكلتي
إني انا اسجلت الكورس إلي طاف 18 وحده وكلش ما كنت مهتمه او مركزه لأني مسجله بالبيت وما بقى شي ع امتحاني فيادوبي سجلت كل شي ع السريع وطلعت ><"""""

انا ماخذه محاسبة بنوك عند وليد المنيع وابي اسحبها بس اخاف لما سحبتها ما يصير اضيف مواد بالتسجيل المتأخر ع بو إني مسجله فوق 13 وحده
بس همن افكر اسحب الإنجليزي لأنهم توهم ما يمدحونها لي عند رجاء العماني ><""""""""

ريماس محاسبة مخازن ترى سهله لا تحاتين وإن شاء الله تطلع تفهم وتاخذين امتياز بالماده لأن الماده ســـــــــــهـــــــــــله ^_____^

A L D A N A

09-20-2010, 07:36 PM

دلال نصــيحتي اخذي محاسبة بنوك عند طلال السهيل اهو هيئه تدريسه وآيد مبسط المقرر وشرحه وآيد حلو طلعت بـ المآده عنده a وآمتحآنآته سهله نفسس التمآرين الى بـ الكتآب

إذا تبـين اميله دزيلي ع الخآص علشآن اذا حبيتي تعرفين آوقآته ..

وموفقين صبآيآ

KiTKaTcheya

09-21-2010, 01:53 AM

الدانه استاذ طلال السهيل بس يدرس محاسبة بنوك ؟
انزين منو احسن استاذ يدرس محاسبة شركات ؟ لاني مسجلتها عند استاذ يعقوب محمد درجااااته تخررررع بسحبها ؛(

ريميه اذا قصدهم استاذ بدر الشمري اخذي عنده خوووووووووووووش استاااااذ يهبببببل انا ماخده عنده بالصيفي حضوري فل مارك وامتحاني الاول 14 من 20 و الثاني 18 من 20 وشديت حيلي بالفاينل
حطلي a-

A L D A N A

09-21-2010, 02:11 AM

كتكآته يدرس تكآليف و شركآت

KiTKaTcheya

09-21-2010, 02:14 AM

اوكي مشكوووره
عيل باخذ شركاات عنده
وبعيد تكاليف عنده بعد ان شاء الله احصله

ريميه

09-21-2010, 08:29 PM

كتكاته

بدر الشمري وايد يمدحونه

اهوا هيئه تدرسيه والا عادي حاط اسمه ؟؟ خوفج اذا هيئه شلون اعرفه :(

KiTKaTcheya

09-22-2010, 03:03 AM

اي اهوا هيئه مادري انا قلتله شلون بعرف قال مادري اذا ادرس كورس اول
بس اول ما اداوم بسأل سكرتيرة قسم المحاسبه اذا يدرس والا لا و أي مقرر

ريميه

09-22-2010, 08:01 PM

بس خوفج ماتعلم ... وتحجج تقول ماعرف

يالله سهالاااات احنا من دشينا .. على البركه كل شي

تجآريه

09-23-2010, 03:29 AM

تم حذف التعليقآت والإستفسآرت الخآصه بأسآتذه غير اسآتذة قسم المحآسبه ,,
الرجآء الإلتزآم بقوآنين القسم لـ يظهر الموضوع بصوره تخدم طلبة التخصص .

تم نسخهآ قبل حذفهآ .. وسيتم وضعهآ في أقسآمهآ المنآسبه على شكل ( إقتبآسآت )
لـ حفظ حقوق العضو / وافآدة الأعضآء الآخرين أكثر ..

أرجو عدم وصف أي دكتور / بالغبآء أو الجنون . أو مآشآبه من ألفآظ .. حتى لو كآن فعلاً كذلك ^_^
والإكتفآء بالتعليق على أسلوب الشرح / الإمتحآنآت / صعوبة المآده ومآ إلى هذه الأمور ..

tjari

09-23-2010, 06:32 AM

سلام بنات
ممكن اسأل منو احسن استاذ او استاذه محاسبة 2 ؟

وانا مسجلة عند مبارك الخضير شرايكم ؟
ابي طريقته وشرحه وكل شي ؟

واخليها ولا لأ ؟؟

واللي يعرفون هاجر العصيمي لايبخلون عطوني رايكم

برب

دلال

09-23-2010, 07:06 AM

وعليكم السلام ورحمة الله وبركاتة

استاذ مبارك الخضير ( محاسبة شركات) < بصراحه هالاستاذ ما ادري اقول زين ولا اقول مو زين << ما دري شلون صاير مره تشوفونه حليوه بس كله يكتب يكتب يكتب شكله بس بي يوظفنا كتبه لووووووووول
امتحاناته حلوه مو صعبه يعني كل اللى يكتبكم ياه يب منه بالامتحان الكتاب مو لازم بس يعني بيسوي روحه فاهم فايقول لكم يبو الكتاب بس انا اقولكم بلاش مخاسير لوووووووول لا تيبونه .< بكيفي لوول
نسيت شغله ترا اهو عادي ما يهتم اذا السكشن كله رسوووووووووووووب عادي عادي وجنه جو باريس لووول يعني ما يهتم واصلا اهو يقول مو لازم كل الطلبه يطلعون ناجحين << انا خذيت عنده وطلعت c+ < معني شاااااااااااااطره حيل وكنت شاده حيلي بعد بس اهو هيك ما يعطي a , b بسهوله على قولته ..

هذا تعليق رماد الشوق عن هذا الإستاذ =)

والأستاذ الثاني والله ما ادري بس شوفي الردود الأولى من الموضوع اكيد كاتبين عنهم وعن احسن الأساتذه =)

انا خذيت محاسبه 2 عند وليد المنيع وشرحة تماااااااااااااااااااام حلوووو حيل حلووووو يفهم
بس امتحاناته 40 دقيقه بس وصراحة هذا إلي خلاني ازفت وآخذ بي غير إن شديد =)

تجآريه

09-23-2010, 09:31 AM

اقتباس:
المشاركة الأصلية كتبت بواسطة tjari http://www.altjary.com/vb/images/buttons/viewpost.gif (http://www.altjary.com/vb/showthread.php?p=169761#post169761)
سلام بنات
ممكن اسأل منو احسن استاذ او استاذه محاسبة 2 ؟

وانا مسجلة عند مبارك الخضير شرايكم ؟
ابي طريقته وشرحه وكل شي ؟

واخليها ولا لأ ؟؟

واللي يعرفون هاجر العصيمي لايبخلون عطوني رايكم

برب

الصفحآت السآبقه متكلمين فيهآ عن أحسن وأسوء الدكآتره ..

آوتآر آلحّ ـزن

09-23-2010, 10:04 AM

بنات والله حيرتوني حييييييل :(

محتاره بين الاسستاذ محمد الششهابي , ومششاري الفريح
ايهو اختار ابي اسستاذ زين من كل النواحي فهم + ششرح + اسسلوب + تقدير

تجآريه

09-23-2010, 11:40 AM

شوفي .. الشهآبي أنا مآخذه عنده ,,
بالمسآعده حييييل حيييل يسآعد ويعطيج فرص ويرفعج قد مآيقدر ,,
استآذ مآشالله عليه بشوش وصبور ونفسه حلوه دآيماً ..
يعني إذآ تبين قريد ... وبذلتي مجهود بسيط عنده .. رآح تآخذينه وجنه العيد ,,

الفريح مآخذيت عنده ,,
ويمدحون كل شي عنده ... بس مآ اتوقع يسآعد ويعطي فرص مثل الشهآبي ,,
الشهآبي بشكل يخليج مآتحآتين المآده ^_^

مآحضرت الإمتحآن الأول .. والإمتحآن الثآني جبت درجه لآتذكر من 25 جنه مآدري 20 ...
والفآينل والله إنهآ بس مسأله وحده اللي حليتهآ وحلهآ كله صح من بين 4
مدري خمس مسائل شيرت حلهم
.... ونجحني ؟
مجرد مآ يشوفج فآهمه شي بالمآده أو حآله صح بنآحيه معينه .. رآح يسآعدج .
يدورلج الدرجه على أي شي ... الأرقام غلط ؟ يعطيج درجآت ع القيد ..
القيد غلط ؟ يعطيج درجآت على رقم لو مشيرته ؟

الفريح يمدحونه ومآشفت أحد ذمه ,,
بس محد بعيني صرآحه بعد الشهآبي من نآحية المسآعده وتقدير الطآلبه ..

أتوقع أتوقع الفريح .. أفضل بالشرح فقط ,,